Андыжанская вобласць Узбекістана і Гродзенская вобласць рэалізуюць праекты ў АПК і дрэваапрацоўцы
Фота з архіва 8 ліпеня, Мінск . Андыжанская вобласць Узбекістана і Гродзенская вобласць рэалізуюць праекты ў АПК і дрэваапрацоўцы. Аб гэтым паведаміў на пленарным пасяджэнні ІІІ Форуму рэгіёнаў Беларусі і Узбекістана ў Мінску хакім Андыжанскай вобласці Шухратбек Абдурахманаў,
Андыжанская вобласць з 2018 года наладзіла супрацоўніцтва з Гродзенскай, Магілёўскай і Віцебскай абласцямі. На форуме падпісана дарожная карта сумеснай работы ўзбекскага рэгіёна з Гродзенскай і Магілёўскай абласцямі на 2026-2028 гады.
Так, у ліку напрамкаў узаемадзеяння з Гродзенскай вобласцю хакім выдзеліў стварэнне ў рэгіёне жывёлагадоўчага комплексу, кааперацыю дрэваапрацоўчых прадпрыемстваў.
«З дапамогай партнёраў з Віцебскай вобласці пачалі стварэнне жывёлагадоўчага комплексу на 400 галоў буйной рагатай жывёлы агульным коштам $5 млн. У Алтынкульскім раёне працуюць два прадпрыемствы з удзелам беларускіх кампаній. На прадпрыемстве, створаным вядомым беларускім тэкстыльным брэндам Mark Formelle, працуе 1200 чалавек. У гэтым годзе будзе створана яшчэ 500 рабочых месцаў, а экспарт прадукцыі плануецца давесці да $65 млн», — расказаў Шухратбек Абдурахманаў.
Таксама створана сумеснае прадпрыемства па вытворчасці баваўняных культыватараў. Наладжана супрацоўніцтва паміж аграрнымі ВНУ дзвюх краін.
Арганізатарамі форуму выступаюць Нацыянальны цэнтр падтрымкі экспарту Беларусі і Міністэрства інвестыцый, прамысловасці і гандлю Узбекістана. 
Фота Мікалая Пятрова
