Пад акампанемент дажджу. Каля стадыёна «Дынама» стартаваў Мінскі паўмарафон
6 верасня, Мінск . На вуліцы Кірава каля Нацыянальнага алімпійскага стадыёна «Дынама» стартавала самая маштабная бегавая падзея краіны — Мінскі паўмарафон-2026,
Рэгістрацыю на мерапрыемства прайшлі 30 тыс. чалавек з 40 краін. Праграму 11-га па ліку Мінскага паўмарафону пад дажджом адкрыў забег на 10 км, следам на старт выйдуць удзельнікі на самай прэстыжнай дыстанцыі — 21,097 км.
Далей 6 верасня адбудуцца забегі на 5 і 3 км, а таксама сямейныя забегі на паўтара кіламетра. Маршруты пракладзены па цэнтры горада міма сталічных славутасцей, фінішаваць бегуны будуць на дарожцы стадыёна «Дынама».
Спаборніцтвы на паўмарафонскай дыстанцыі абяцаюць стаць самымі канкурэнтнымі за некалькі гадоў — упершыню пасля пандэміі каранавіруса сапернічаць з мацнейшымі беларускімі стаерамі будуць тытулаваныя спартсмены з краін Афрыкі.
