БелДІСС і Кыргызстандарт дамовіліся аб інфармацыйным абмене і сумесных праектах
5 чэрвеня, Мінск . Беларускі дзяржаўны інстытут стандартызацыі і сертыфікацыі (БелДІСС) і Цэнтр па стандартызацыі і метралогіі пры Міністэрстве эканомікі і камерцыі Кыргызскай Рэспублікі (Кыргызстандарт) падпісалі пагадненне аб супрацоўніцтве ў галіне стандартызацыі, ацэнкі адпаведнасці і інфармацыйнага абмену. Аб гэтым паведамілі ў прэс-службе Дзяржаўнага камітэта па стандартызацыі.
Двухбаковае супрацоўніцтва прадугледжвае абмен інфармацыяй, вопытам і лепшымі практыкамі ў галіне стандартызацыі і ацэнкі адпаведнасці, лічбавізацыі працэсаў, аўтаматызаваных інфармацыйных сістэм і праграмнага забеспячэння. Бакі будуць каардынаваць дзеянні ў рамках міждзяржаўнай сістэмы стандартызацыі, удзелу ў міжнародных і рэгіянальных арганізацыях па стандартызацыі і ацэнцы адпаведнасці.
Абмен вопытам у галіне ацэнкі адпаведнасці будзе ажыццяўляцца па пацвярджэнні адпаведнасці прадукцыі, выпрабаваннях, укараненні і сертыфікацыі сістэм менеджменту, персаналу. Узаемадзеянне плануецца і ў сферы праектаў, якія датычацца прысваення знакаў якасці, нацыянальных прэмій у галіне якасці, СНД і інш.
Акрамя таго, пагадненне прадугледжвае правядзенне сумесных нарад, семінараў і навучання спецыялістаў, у тым ліку арганізацыю стажыровак для вывучэння перадавога вопыту ў галіне стандартызацыі, ацэнкі адпаведнасці, сістэм менеджменту.
