Беларусь і Камбоджа абмеркавалі развіццё палітычнага дыялогу
Фота пасольства Беларусі ў В’етнаме 19 чэрвеня, Мінск . Тэма развіцця беларуска-камбаджыйскага палітычнага дыялогу абмяркоўвалася на сустрэчы 19 чэрвеня Надзвычайнага і Паўнамоцнага Пасла Рэспублікі Беларусь у В’етнаме і Камбоджы па сумяшчальніцтве Уладзіміра Баравікова з выконваючым абавязкі кіраўніка дзяржавы, старшынёй Сената Камбоджы Хун Сенам. Аб гэтым паведамілі ў пасольстве Беларусі ў В’етнаме.
У час размовы было разгледжана шырокае кола пытанняў беларуска-камбаджыйскіх адносін, уключаючы развіццё палітычнага дыялогу, нарошчванне ўзаемнага гандлю. Акрамя таго, размова ішла пра садзейнічанне ўстанаўленню прамых двухбаковых кантактаў у сферах турызму і культуры. Бакі таксама абмяняліся думкамі па шэрагу актуальных тэм рэгіянальнага і глабальнага парадкаў дня.
Дыпламатычныя адносіны паміж Рэспублікай Беларусь і Каралеўствам Камбоджа ўстаноўлены 25 студзеня 1995 года. Палітычнае ўзаемадзеянне паміж краінамі прадаўжае развівацца ў інтарэсах абодвух бакоў. Дзяржаўны сакратар Міністэрства замежных спраў і міжнароднага супрацоўніцтва Каралеўства Камбоджа Чрынг Батумрангсей прыняла ўдзел у III Міжнароднай канферэнцыі па еўразійскай бяспецы ў кастрычніку 2025 года ў Мінску, у рамках якой адбылася яе сустрэча з міністрам замежных спраў Беларусі Максімам Рыжанковым. 
Фота пасольства Беларусі ў В’етнаме
