ЖКГ, медыцына і сацсфера. З якімі пытаннямі беларусы звярталіся на гарачую лінію V УНС
Навіны сюжэта «30 фактаў аб УНС » Рэальныя мэты замест «феерверку бяздумных ідэй». Успамінаем ключавыя рашэнні IV УНС «Дзяржава для народа». Якія прыярытэты на пяцігодку вызначылі дэлегаты III УНС 12 лістапада, Мінск . На гарачую лінію пятага Усебеларускага народнага сходу, які прайшоў 22 і 23 чэрвеня 2016 года пад лозунгам «Разам — за моцную і квітнеючую Беларусь!», паступіла каля 540 зваротаў грамадзян. У сувязі з 30-гадовым юбілеем УНС БЕЛТА прапануе ўспомніць гісторыю аднаго з важнейшых органаў палітычнай сістэмы Беларусі. 30 гадоў, 30 фактаў, 30 публікацый — агенцтва падрыхтавала серыю матэрыялаў пра сход, у якіх раскажа пра станаўленне вышэйшага органа народаўладдзя і яго сучасную ролю ў жыцці нашай краіны.
Факт 13. На гарачую лінію V УНС паступіла 538 зваротаў грамадзян
Гарачая лінія была адкрыта 22 чэрвеня з 11.00 да 18.00, а таксама з 10.00 да 13.00 23 чэрвеня. Любы жадаючы мог патэлефанаваць па шматканальных тэлефонах і задаць пытанні, выказаць пажаданні. Каб кожны змог атрымаць адказ, была створана група, у склад якой увайшлі прадстаўнікі дзяржорганаў, Адміністрацыі Прэзідэнта і Апарата Савета Міністраў.
У разрэзе рэгіёнаў звароты размеркаваліся наступным чынам: Мінск — 208 пытанняў, Мінская вобласць — 84, Гомельская і Брэсцкая — па 55, Магілёўская — 48, Віцебская — 47, Гродзенская — 41. Асноўная колькасць паступіўшых пытанняў датычылася жыллёва-камунальнай гаспадаркі, будаўніцтва і жылля, сацыяльнага забеспячэння, працоўных адносін, аховы здароўя, аграпрамысловага комплексу.
Пры гэтым Уладзімір Андрэйчанка, які займаў на той момант пасаду старшыні Палаты прадстаўнікоў, адзначыў, што на гарачую лінію паступаюць не толькі звароты з праблемнымі пытаннямі. «Людзі выказваюць удзячнасць службовым асобам і асобным арганізацыям за аказаную дапамогу ў вырашэнні іх праблем, — падкрэсліваў ён. — Усе пытанні, прапановы і пажаданні нашых грамадзян адпаведным чынам адпрацоўваюцца і знойдуць адлюстраванне ў падагульняючых праграмных дакументах, а заяўнікам будуць накіраваны кампетэнтныя адказы».
Усебеларускі народны сход — вышэйшы прадстаўнічы орган народаўладдзя Беларусі, які вызначае стратэгічныя напрамкі развіцця грамадства і дзяржавы, забяспечвае непахіснасць канстытуцыйнага ладу, пераемнасць пакаленняў і грамадзянскую згоду. Пасяджэнне УНС у канстытуцыйным статусе з 2024 года праходзіць штогод. Трэцяе пасяджэнне VII УНС пройдзе ў Мінску 17 і 18 снежня 2026 года. 
