Апошні званок і выпускныя экзамены ў школах
Вучэбныя заняткі ў школах Беларусі завяршаюцца 31 мая,
для навучэнцаў 9-х і 11-х класаў — 23 мая,
навучальны 2024/2025 год завяршаецца 31 жніўня.
Урачыстыя мерапрыемствы «Апошні званок» для навучэнцаў 9-х і 11-х класаў пройдуць 24 мая.
Выпускныя экзамены для 9-х класаў пройдуць з 2 па 13 чэрвеня.
Выпускнікі базавай школы здаюць экзамены па наступных вучэбных прадметах:
беларуская мова (пераказ),
руская мова (пераказ),
матэматыка (кантрольная работа),
гісторыя Беларусі (па білетах у вуснай форме).
Для выпускнікоў 11-х класаў падагульняючыя іспыты праводзяцца ў выглядзе цэнтралізаванага экзамену (ЦЭ):
ЦЭ па прадмеце на выбар* — 26 мая.
ЦЭ па рускай або беларускай мове (на выбар навучэнца) — 29 мая.
У 2025 годзе колькасць выпускнікоў 9-х класаў складае 102,2 тыс. чалавек, 11-х класаў — 56,6 тыс.
* Па фізіцы, матэматыцы, хіміі, біялогіі, замежнай мове (англійская, нямецкая, іспанская, французская, кітайская), гісторыі Беларусі, сусветнай гісторыі (навейшы час), гісторыі Беларусі ў кантэксце сусветнай гісторыі, геаграфіі, грамадазнаўстве.
Крыніца: Міністэрства адукацыі.
