XXXIII Дзень беларускага пісьменства
XXXIII Дзень беларускага пісьменства* 5-6 верасня ў г.Касцюковічы.
У розныя гады ўрачыстасці праходзілі ў гістарычных і культурных цэнтрах краіны: Полацку, Тураве, Навагрудку, Нясвіжы, Оршы, Пінску, Заслаўі, Мсціславе, Міры, Камянцы, Паставах, Шклове, Барысаве, Смаргоні, Хойніках, Ганцавічах, Глыбокім, Быхаве, Шчучыне, Рагачове, Іванаве, Слоніме, Бялынічах, Капылі, Добрушы, Гарадку, Івацэвічах, Лідзе.
Асноўныя тэмы мерапрыемстваў XXXIII Дня беларускага пісьменства:
— Год беларускай жанчыны;
— 85-я гадавіна пачатку Вялікай Айчыннай вайны;
— юбілеі класікаў беларускай літаратуры;
— пяцігодка якасці.
Кожная з тэм адлюстравана ў творчых праграмах і рабоце пляцовак.
У праграме свята:
— навукова-асветная экспедыцыя «Дарога да святынь»;
— міжнародны круглы стол беларускіх і замежных літаратараў, канферэнцыя «Касцюковіцкія чытанні»;
— уручэнне Нацыянальнай літаратурнай прэміі;
— фестываль кнігі і прэсы;
— павільён рэдкай кнігі (прадстаўлены ўнікальныя старадрукаваныя выданні, факсіміле, мініяцюрныя кнігі);
— экспазіцыя «Кабінет пісьменніка» (прадстаўлены рукапісы, асабістыя рэчы, рэдкія фотаздымкі і архіўныя дакументы);
— адкрыццё скульптурнай кампазіцыі «Алесь і Алеся» (па матывах твора народнага паэта Беларусі А. Куляшова);
— гала-канцэрт конкурсу юных чытальнікаў «Жывая класіка»;
— інтэрактыўныя пляцоўкі, прэзентацыі, сустрэчы з аўтарамі.
* Дзень беларускага пісьменства — нацыянальнае свята, якое адзначаецца з 1994 года і праводзіцца з мэтай прапаганды лепшых традыцый нацыянальнай культуры, друкаванага слова, духоўнасці беларускага народа.
Крыніца: Міністэрства інфармацыі Беларусі.
