Вальфовіч: Беларусь гатова да кантактаў з Захадам
Фота з архіва 9 лістапада, Масква /Эдуард Півавар . Беларускі бок гатовы да кантактаў з Захадам па стабілізацыі сітуацыі ў рэгіёне. Аб гэтым заявіў журналістам дзяржаўны сакратар Савета бяспекі Беларусі Аляксандр Вальфовіч у Маскве ў кулуарах 14-й сустрэчы сакратароў саветаў бяспекі дзяржаў — удзельніц СНД,
Пры гэтым дзяржсакратар заўважыў, што з боку еўрапейцаў такога імкнення пакуль не назіраецца. Ён нагадаў, што пэўная спроба да дыялогу была з боку Польшчы на пляцоўцы ААН. «Лёгкая спроба была, але далей пакуль руху ніякага мы не бачым, хоць Беларусь гатова. Аб гэтым гаварыў і наш Прэзідэнт, выступаючы на міжнароднай канферэнцыі, якая зусім нядаўна прайшла ў Мінску, канферэнцыі, якая выкліка інтарэс у многіх краін, зацікаўленых у міры і забеспячэнні бяспекі», — нагадаў ён.
«Таму мы, вядома, заўсёды гатовы. Беларусь працягвае руку, прымае ўсе неабходныя меры, у тым ліку і захады па стабілізацыі сітуацыі вакол Украіны. Хто зацікаўлены ў гэтым? У першую чаргу — Рэспубліка Беларусь. Так, амерыканцы сёння гавораць аб гэтым, але практычныя захады робіць толькі наша краіна», — канстатаваў Аляксандр Вальфовіч.
У ліку такіх практычных крокаў ён назваў абмены паміж Расіяй і Украінай палоннымі і целамі загінулых, якія адбываюцца на тэрыторыі Беларусі. «Мы гатовы да іншых кантактаў, гатовы аказваць Украіне дапамогу грамадзянскага характару. Так, гэта бачаць, але, напэўна, еўрапейскія палітыкі ў гэтым не зацікаўлены», — адзначыў дзяржсакратар. 
Фота Сяргея Савасцьянава, ТАСС / БЕЛТА
