Турчын ацаніў ход работ па мадэрнізацыі вытворчасці на БЕЛАЗе
4 верасня, Жодзіна . Прэм’ер-міністр Беларусі Аляксандр Турчын наведаў ААТ «БЕЛАЗ» — кіруючая кампанія холдынга «БЕЛАЗ-ХОЛДЫНГ», там ён азнаёміўся з ходам работ па мадэрнізацыі вытворчасці, а таксама з новымі відамі тэхнікі,
Прэм’ер-міністру прадставілі найноўшыя ўзоры тэхнікі, якая працуе на звадкаваным прыродным газе, а таксама прызначана для работы пад зямлёй, у шахтах.
Цяпер прадпрыемства актыўна мадэрнізуе вытворчасць, асвойвае новыя віды камплектуючых для тэхнікі. Так, у верасні 2025 года ў Пінску на базе сумеснага прадпрыемства «Гідраўлічная аб’яднаная кампанія», заснавальнікамі якой з’яўляюцца ААТ «БЕЛАЗ» і расійская кампанія, створана сучасная вытворчасць гідраўлічных аксіяльна-поршневых помпаў з рэгулюемай прадукцыйнасцю.
БЕЛАЗ спецыялізуецца на распрацоўцы, вытворчасці і рэалізацыі кар’ерных самазвалаў грузападымальнасцю ад 30 да 450 т, спецыяльных і спецыялізаваных транспартных сродкаў, іншага цяжкага транспартнага абсталявання, якое прымяняецца ў горназдабыўной, будаўнічай, металургічнай і іншых галінах прамысловасці. Асноўныя інавацыйныя напрамкі, на якіх сёння сканцэнтраваны намаганні інжынернага патэнцыялу прадпрыемства, — гэта самазвалы, якія працуюць на звадкаваным прыродным газе, акумулятарных батарэях, дызель-тралейныя самазвалы, самазвалы з гібрыднай схемай работы, у тым ліку на вадародзе, а таксама рабатызаваныя самазвалы.
У 2025 годзе прадукцыя БЕЛАЗ пастаўлялася ў 21 краіну свету, 15 з якіх — краіны далёкага замежжа.
