Спёка адступае з навальніцамі і шкваламі: да чаго рыхтавацца беларусам сёння
2 ліпеня, Мінск . У Беларусі 2 ліпеня на большай частцы тэрыторыі пройдуць кароткачасовыя дажджы, навальніцы, месцамі чакаюцца моцныя ліўні, у дзённы час магчымы град. Аб гэтым расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Сёння чакаецца пераменная воблачнасць. Раніцай у асобных раёнах магчымы слабы туман. Вецер днём прагназуецца паўднёвы з пераходам на паўночна-заходні 4-9 м/с, пры навальніцах з парывамі да 14 м/с, месцамі прагназуецца шквалістае ўзмацненне ветру з парывамі 15-20 м/с.
Тэмпература паветра днём складзе ад плюс 21 градуса па паўночным захадзе да плюс 33 градусаў па паўднёвым усходзе, у сувязі з чым аб’яўлены аранжавы ўзровень небяспекі.
Больш актуальнай і цікавай інфармацыі пра надвор’е глядзіце ў праграме АНТ «Метэагід» на videobel.by.
