Пяткевіч: ахова мацярынства і дзяцінства — у ліку прыярытэтаў дзяржпалітыкі Беларусі
Фота з архіва 21 кастрычніка, Мінск . Сацыяльная абарона дзяцей, ахова мацярынства і дзяцінства, выхаванне і адукацыя будучага пакалення — асноўныя напрамкі дзяржаўнай палітыкі Беларусі. Аб гэтым заявіла намеснік прэм’ер-міністра Наталля Пяткевіч, выступаючы на пленарнай сесіі высокага ўзроўню Сусветнага саміту «Інвестыцыі ў дабрабыт дзяцей: шлях да ўстойлівага і справядлівага развіцця ў імя будучых пакаленняў» у Самаркандзе (Узбекістан), паведамілі БЕЛТА ў прэс-службе ўрада.
«Нам сапраўды ёсць чым ганарыцца. У індэксе дасягнення глабальных Мэт устойлівага развіцця са 169 краін Беларусь займае 35-е месца. Акрамя таго, мы 38-я па ўзроўні адукацыі са 169 краін. Мы ўваходзім у топ-10 з 236 краін па самым нізкім узроўні дзіцячай смяротнасці. Займаем у рэйтынгу 25-е месца сяод краін, якія прызнаны самымі камфортнымі для мацярынства. У краіне створана чатырохузроўневая сістэма аказання медыцынскай дапамогі: ад першаснай у кожным населеным пункце, у кожным кутку нашай краіны да рэспубліканскіх навукова-практычных цэнтраў адпаведнай прафілізацыі», — сказала Наталля Пяткевіч.
У Беларусі створана адзіная цэнтралізаваная сістэма лячэння і дапамогі па ўсіх тыпах анкалагічных, гематалагічных захворванняў і прыроджанага імунадэфіцыту ў дзяцей. «Мы маем уласную вытворчасць 26 анкалагічных прэпаратаў, 20 з якіх могуць прымяняцца да дзяцей. Выкарыстоўваюцца перадавыя высокатэхналагічныя методыкі лячэння, уключаючы ДНК-вакцыны і CAR-T-тэрапію. Што датычыцца дзяцей з асаблівасцямі псіхафізічнага развіцця, то сярод усіх краін СНД мы першымі яшчэ ў 2004 годзе прынялі закон аб спецыяльнай адукацыі такіх дзяцей, каб забяспечыць бясшвовы пераход ад узросту да узросту ў плане сацыяльнай рэабілітацыі», — адзначыла віцэ-прэм’ер.
«Беларусь гатова дзяліцца сваімі кампетэнцыямі. Мы вельмі зацікаўлены ў вопыце нашых партнёраў. Мы хочам удзельнічаць у выпрацоўцы стратэгій і канкрэтных мер усёабдымнай абароны правоў і інтарэсаў дзяцей. І мы поўнасцю падтрымліваем ідэю саміту аб тым, каб зрабіць інвестыцыі ў дзяцей адным з галоўных прыярытэтаў глабальнага парадку дня», — рэзюмавала Наталля Пяткевіч.
