Культура

Гран-пры фестывалю «Анімаёўка-2026» заваявала работа з Расіі

2 кастрычніка, Магілёў . Гран-пры XXIX Міжнароднага фестывалю анімацыйных фільмаў «Анімаёўка-2026» заваявала работа «Чатыры прыпынкі» рэжысёра Лізаветы Хломавай з Расіі,

Асаблівасць гэтага анімацыйнага фільма ў тым, што ў ім выкарыстоўваецца мова жэстаў. «Вытворчасць фільма заняла 4 гады — год падрыхтоўкі і 3 гады здымак, мантажу, агучкі. Гэта гісторыя пра сям’ю глухіх: усе асноўныя дыялогі ўнутры сюжэта ідуць на мове жэстаў. Мы падрабязна працавалі, каб яна была сапраўднай, жывой, дамашняй, — расказвае пераможца. — Асноўны сэнс: людзі розныя, але пры гэтым ёсць вельмі блізкія і зразумелыя ўсім праблемы і складнасці ў жыцці — са школай, сям’ёй, сталеннем. Усё роўна, глухі ці не, але ты ўсё роўна праходзіш праз тыя ж самыя сітуацыі».
Для рэжысёра гэта гісторыя і пра тое, што людзі заўсёды павінны быць смелымі і ісці наперад. «Не трэба баяцца быць сабой. І калі твая родная мова жэставая, то трэба яе падтрымліваць, не баяцца на ёй фантазіраваць. Быць смелым і свабодным», — падзялілася яна.

«Для аўтарскага кіно фестываль «Анімаёўка» — гэта асноўны спосаб узаемадзеяння з гледачом, таму што ў пракаце, на тэлебачанні не ідуць гэтыя фільмы. Тут гэта магчымасць якраз іх паглядзець. Была вельмі вялікая разнастайная праграма. Класна, што «Анімаёўка» існуе так доўга, жадаю ёй працвітання і доўгіх гадоў», — сказала Лізавета Хломава.

Як адзначыў старшыня журы конкурсу анімацыйных фільмаў, мультыплікатар, рэжысёр, кампазітар мультыплікацыйных і ігравых фільмаў кінастудыі «Беларусьфільм», заслужаны дзеяч мастацтваў Рэспублікі Беларусь Ігар Волчак, у гэтым годзе фестываль запомніўся колькасцю фільмаў. «Мне давялося папрацаваць на фестывалях высокага рэйтынгу, і «Анімаёўка» ненамнога ім уступае, а ў наступным годзе, упэўнены, стане з імі на адзін узровень. У гэтым годзе пададзена 1962 заяўкі, хаця раней на «Анімаёўцы» было ўсяго 300-400 фільмаў, — расказаў ён. — Фестываль расце — няхай гэта прадаўжаецца і прагрэсіруе. Хочацца асобна адзначыць дзяцей, чые педагогі робяць вялікую справу. «Анімаёўка» якраз дапамагае вырасціць новае пакаленне. Няхай яны будуць шчаслівыя!»
Фота mogilevnews.by

Источник

Похожие статьи

Добавить комментарий

Ваш адрес email не будет опубликован. Обязательные поля помечены *

Кнопка «Наверх»