«Танец павінен быць жывым». Як Валянціна Гаявая адраджала харэаграфічную спадчыну Беларусі
У нашай краіне народны танец непарыўна звязаны з Беларускім дзяржаўным акадэмічным заслужаным харэаграфічным ансамблем «Харошкі». За 52 гады гэты калектыў стаў брэндам, пра які ведаюць далёка за межамі дзяржавы. Яго стваральнік, народная артыстка Беларусі Валянціна Гаявая, нарадзілася ў Расіі, але ўсё сваё жыццё прысвяціла вывучэнню беларускай культуры і адраджэнню народнага танца. Сёння яна святкуе 90-гадовы юбілей. Строгая, але справядлівая, патрабавальная, але ранімая, разумеючая людзей з аднаго погляду, — так гавораць пра Валянціну Гаявую тыя, хто працаваў з ёю доўгія гады. Карэспандэнт БЕЛТА паразмаўляла з мастацкім кіраўніком ансамбля «Харошкі» Ірынай Грушовай, мастаком-пастаноўшчыкам Аляксеем Гаявым, загадчыцай трупы ансамбля Валянцінай Гехт і дырэктарам ансамбля Русланам Абдулам і даведалася, на якіх прынцыпах будавала сваю работу Валянціна Гаявая і якую спадчыну перадала прадаўжальнікам сваёй справы.
Галоўнае правіла — заўсёды заставацца чалавекам
— Ірына Анатольеўна, вы — мастацкі кіраўнік Беларускага дзяржаўнага харэаграфічнага ансамбля «Харошкі», які прадаўжае справу Валянціны Гаявой. Шмат гадоў вы назіралі, як яна працуе і ўзаемадзейнічае з людзьмі. Якія прынцыпы вы ад яе перанялі і карыстаецеся сёння?
— Самы важны прынцып — заўсёды заставацца справядлівым чалавекам. Жыццё поўнае сюрпрызаў, і ты, вядома, не хочаш зрабіць людзям балюча, хоць на пасадзе кіраўніка воляй-няволяй даводзіцца быць жорсткім і гаварыць «не». У такія моманты ты разумееш, што чалавеку можа быць непрыемна, але спадзяешся, што праз нейкі час ён зразумее тваё рашэнне.
/Будзе дапоўнена/.
