Ад «Брэсцкай крэпасці» да новых праектаў: як Саюзная дзяржава развівае сумесную кінавытворчасць
31 кастрычніка, Мінск . Як Саюзная дзяржава падтрымлівае і развівае сумесную кінавытворчасць, расказала намеснік начальніка Дэпартамента сацыяльнай палітыкі і інфармацыйнага забеспячэння Пастаяннага камітэта СД Вольга Васілеўская на круглым стале ў Нацыянальнай бібліятэцы Беларусі ў рамках Мінскага міжнароднага кінафестывалю «Лістапад»,
«Саюзная дзяржава ў цэлым падтрымлівае вытворчасць новых фільмаў, якія сёння патрэбны нашым краінам, — фільмаў аб сучаснасці, аб нашай гістарычнай дружбе, аб каштоўнасцях, прынятых у нашых грамадствах. Сёння мы пагаворым, як увайсці ў праект Саюзнай дзяржавы, якія тэмы актуальны і цікавы гледачу і як у далейшым будзе развівацца кінавытворчасць і кінапракат у рамках СД», — сказала Вольга Васілеўская.
У 2010 годзе Саюзнай дзяржавай быў зняты і выпушчаны ў пракат фільм «Брэсцкая крэпасць», высокія рэйтынгі якога гавораць самі за сябе. І па яго ацэнцы ўжо зразумела, наколькі важна і значна для гледачоў мець кінакарціны, накіраваныя на захаванне гістарычнай праўды.
«Ужо другі год у рамках фестывалю «Лістапад» адбываецца ўручэнне прэміі, у тым ліку Саюзнай дзяржавы, за захаванне гісторыка-культурных і маральных каштоўнасцей. У гэтым годзе мы таксама выбралі дастойны фільм, якому будзе ўручаны наш прыз», — падкрэсліла Вольга Васілеўская.
Правядзенне такіх круглых сталоў і сустрэч, абмеркаванне найбольш вострых і важных момантаў сапраўды дапаможа развівацца сумеснай кінавытворчасці. Саюзная дзяржава вітае ініцыятывы і гатова сёння разглядаць варыянты фільмаў розных фарматаў. «Галоўнае, каб мы разумелі, што гэты фільм будзе патрэбны і важны нашаму гледачу. А самае асноўнае — будзе дэманстраваць і несці тыя каштоўнасці, якія сапраўды важны ў штодзённым жыцці і ў выхаванні будучага пакалення», — рэзюмавала Вольга Васілеўская.
XXXII Мінскі міжнародны кінафестываль «Лістапад» праходзіць у Беларусі з 30 кастрычніка па 6 лістапада пад лозунгам «Глядзі. Жыві. Цані». Для ўдзелу ў фестывалі было пададзена больш за 3,3 тыс. заявак са 108 краін, адабрана 130 фільмаў з 55 краін. На «Лістападзе» традыцыйна прадстаўлены фільмы з Расіі, Кітая, Індыі, Ірана, Пакістана, В’етнама. Таксама будуць работы з Камбоджы, Марока, Венесуэлы, Танзаніі, Калумбіі, ЗША і іншых краін.
