Дзяржпадтрымку ў сельскай гаспадарцы абмеркавалі на нарадзе ва ўрадзе
Фота прэс-службы ўрада 12 кастрычніка, Мінск . Тэма сённяшняй рабочай нарады ў прэм’ер-міністра Аляксандра Турчына — фарміраванне абгрунтаванага пераліку напрамкаў дзяржаўнай падтрымкі аграпрамысловага комплексу з улікам ключавых задач перад галіной. Аб гэтым паведамілі ў прэс-службе ўрада.
«У прынцыпе, у кожнай краіне ў той ці іншай форме і ў тых ці іншых аб’ёмах дзяржпадтрымка ў сельскай гаспадарцы прысутнічае. Мэта нашай сённяшняй сустрэчы — паспрабаваць вызначыць, якія віды дзяржпадтрымкі нам неабходна пакінуць і ў якіх аб’ёмах, а без якіх мы зможам абысціся», — сказаў Аляксандр Турчын.
На думку прэм’ер-міністра, меры дзяржпадтрымкі дастаткова нядрэнна сістэматызаваны. «Таму ў мяне ёсць прапанова. Давайце мы яшчэ раз адкажам на тры пытанні: па відах дзяржпадтрымкі, па яе аб’ёмах і па эфектыўнасці. Каб мы змаглі выпрацаваць кансалідаванае меркаванне і потым далажыць яго Прэзідэнту нашай краіны», — адзначыў ён.
Збалансаванае развіццё АПК адносіцца да аднаго з прыярытэтаў дзяржаўнай палітыкі Беларусі. Галоўнае патрабаванне — эфектыўнасць і аддача кожнага ўкладзенага дзяржавай рубля. Па выніках праведзенай комплекснай работы заслуханы даклады профільных міністраў.
