Беларусь зацікаўлена ў развіцці супрацоўніцтва з Рэспублікай Алтай — Шулейка
29 кастрычніка, Мінск . Беларусь зацікаўлена ў развіцці ўзаемавыгаднага супрацоўніцтва з Рэспублікай Алтай у сферах турызму, АПК і па іншых напрамках. Аб гэтым заявіў намеснік прэм’ер-міністра Беларусі Юрый Шулейка на сустрэчы з кіраўніком Рэспублікі Алтай РФ Андрэем Турчаком,
Юрый Шулейка падкрэсліў значны патэнцыял сумеснай работы. Сустрэча ва ўрадзе — магчымасць падвесці вынікі, абазначыць мэты і задачы на перспектыву.
«Алтай — дзіўны край з прыгожай прыродай. Бачым магчымасці для пашырэння ўзаемадзеяння ў турызме. Рэгіён цікавы беларусам», — сказаў Юрый Шулейка.
Таксама ў Рэспубліцы Алтай прадстаўлена сельскагаспадарчая, камунальная і іншая тэхніка беларускай вытворчасці. «Павінны абмеркаваць тыя пазіцыі, па якіх нашы інтарэсы супадаюць», — дадаў ён.
Бакі гатовы дзяліцца вопытам і ў сельскай гаспадарцы. Аснову беларускага экспарту ў Рэспубліку Алтай складаюць мяса і мясапрадукты. Тут таксама значны патэнцыял узаемадзеяння.
«Акцэнты абазначаны, каб мы маглі рухацца наперад, вырашаць задачы, якія паставілі перад намі кіраўнікі дзяржаў», — падкрэсліў Юрый Шулейка.
Расійская дэлегацыя ўжо наведала шэраг беларускіх прадпрыемстваў. Андрэй Турчак высока ацаніў кампетэнцыі беларускай прамысловасці, абмяркоўваліся пастаўкі тэхнікі ў рэгіён. Таксама ён выдзеліў у ліку прыярытэтных напрамкаў вытворчасць БАДаў, фармпрэпаратаў на аснове пантаў маралаў і лекавых траў, мясаперапрацоўку, санаторна-курортнае лячэнне. 
