Авярчук: Беларусь і Расія дэ-факта перайшлі на разлікі ў нацыянальных валютах
Фота з сацсетак 4 чэрвеня, Масква /Эдуард Півавар . Беларусь і Расія дэ-факта перайшлі на разлікі ў нацыянальных валютах. Аб гэтым заявіў віцэ-прэм’ер РФ Аляксей Авярчук на Пецярбургскім міжнародным эканамічным форуме, выступаючы на панэльнай дыскусіі «Саюзная дзяржава: час быць першымі»,
«Мы сапраўды сталі незалежнымі па нашых узаемаразліках. У мінулым годзе выйшлі на паказчык 99,1 працэнта ўзаемаразлікаў у нашых нацыянальных валютах. Таму дэ-факта мы перайшлі на разлікі ў нацыянальных валютах. І, у прынцыпе, гэта зручна. Ніхто нікога не прымушаў. Усе гэта зрабілі, таму што сапраўды зручна, і бізнес гэтым карыстаецца», — сказаў Аляксей Авярчук.
Ён адзначыў, што Беларусь і Расія рэалізуюць шэраг вельмі важных інтэграцыйных імпартазамяшчальных праектаў, якія датычацца выпуску прадукцыі ў самых розных галінах. «Тут і мікраэлектроніка, і авіябудаванне, і аўтамабілебудаванне, і спецыяльнае машынабудаванне, і металургія. Усё гэта вельмі важна для незалежнага самастойнага развіцця нашых краін», — удакладніў віцэ-прэм’ер РФ. 
Фота пасольства Беларусі ў Расіі
