Беларусь і М’янма маюць намер канверсаваць палітычны дыялог у канкрэтныя эканамічныя праекты — Турчын
Аляксандр Турчын 20 жніўня, Мінск . Беларусь і М’янма маюць намер канверсаваць палітычны дыялог у канкрэтныя праекты ў эканамічнай сферы. Аб гэтым заявіў прэм’ер-міністр Беларусі Аляксандр Турчын у час Беларуска-м’яманскага бізнес-форуму ў Мінску,
«Беларуска-м’янманскі бізнес-форум — яркае сведчанне дадатнай дынамікі нашых адносін. У Беларусі і М’янмы шмат агульных інтарэсаў. Адзінае, што нас раздзяляе, — гэта геаграфічная адлегласць. Ва ўсім астатнім — у эканоміцы, поглядах на глабальныя працэсы і імкненні да працвітання нашых народаў — мы самыя блізкія партнёры і аднадумцы. Палітычная воля Прэзідэнта Беларусі Аляксандра Рыгоравіча Лукашэнкі і Прэзідэнта М’янмы Мін Аун Хлайна задае высокую планку ўзаемадзеяння. Наладжаны пастаянны дыялог на вышэйшым і высокім узроўнях», — сказаў Аляксандр Турчын.
Функцыянуюць беларуска-м’янманскі камітэт па гандлёва-эканамічным супрацоўніцтве і сумесная рабочая група па супрацоўніцтве ў галіне сельскай гаспадаркі і харчавання. Прадаўжае развівацца дагаворна-прававая база. У бягучым годзе адкрыта пасольства М’янмы ў Мінску, да канца года пачне працаваць беларускае дыпламатычнае прадстаўніцтва ў Нейп’ідо. «Эканомікі нашых краін не канкурыруюць, а ўзаемна дапаўняюць адна адну. Як адзначыў кіраўнік беларускай дзяржавы, закрытых тэм у адносінах з М’янмай у нас няма», — дадаў прэм’ер-міністр.
Паводле яго слоў, галоўная задача на бягучым этапе — канверсаваць дасягнуты ўзровень палітычнага дыялогу ў канкрэтныя праекты ў эканамічнай сферы, кантракты, рабочыя месцы і тоны адгружанай прадукцыі. «Палітычная воля ёсць, усе рашэнні нашымі лідарамі прыняты. Пакет камерцыйных дакументаў, які будзе падпісаны сёння на палях форуму, дасць магчымасць закласці аснову, на якой давядзецца выбудаваць сістэмныя кантакты ў эканамічнай сферы. Трэба прыкласці максімум намаганняў, каб усе флагманскія праекты стартавалі ў бліжэйшы час, і адначасова шукаць новыя нішы для супрацоўніцтва, прапаноўваць свежыя ідэі па нарошчванні ўзаемнага гандлю. Неабходна таксама выкарыстоўваць у інтарэсах нашага бізнесу ўсе даступныя інструменты рэгіянальнай інтэграцыі, у тым ліку на пляцоўках ЕАЭС, ШАС, БРІКС і АСЕАН. Межы рынкаў пашыраюцца, і нашы прадпрыемствы абавязаны гэтым эфектыўна карыстацца», — падкрэсліў кіраўнік урада.
Аляксандр Турчын запрасіў м’янманскі бізнес і прадстаўнічую дэлегацыю краіны ў Мінск для ўдзелу ў міжнароднай прамысловай выстаўцы «ІНАПРАМ. Беларусь», якая пройдзе з 30 верасня па 2 кастрычніка гэтага года. «У ходзе гэтага мерапрыемства мы зможам дадаткова зверыць гадзіннікі і прадметна абмеркаваць першыя вынікі сённяшніх дамоўленасцей, а таксама пры неабходнасці скарэкціраваць стратэгію дзеянняў. Патэнцыял нашых эканомік вялікі, механізмы ўзаемадзеяння дзяржавай створаны — цяпер усё залежыць ад вашай энергіі і камерцыйнай хваткі», — сказаў ён.
Беларуска-м’янманскі бізнес-форум пачаў работу ў Мінску. У складзе м’янманскай дэлегацыі — кіраўнікі і прадстаўнікі вядучых прадпрыемстваў і фінансавых інстытутаў краіны па такіх напрамках, як банкаўская дзейнасць і фінансавыя паслугі, аптовы і рознічны гандаль, лагістыка, харчовая прамысловасць, тэкстыльная прамысловасць, будаўніцтва і горназдабыўная галіна, інфармацыйныя тэхналогіі. Асаблівы інатрэс м’янманскі бок праяўляе да беларускіх прадпрыемстваў машынабудаўнічага комплексу. У прыватнасці, да вытворцаў трактарнай і сельскагаспадарчай тэхнікі, а таксама да паставак фармацэўтычнай прадукцыі і прадуктаў харчавання. Бакі таксама зацікаўлены ў супрацоўніцтве ў галіне прамысловай кааперацыі, лагістыкі і тэкстыльнай прамысловасці. У праграме бізнес-форуму прэзентацыі кампаній, падпісанне камерцыйных дакументаў і B2B-перагаворы. Як чакаецца, у B2B-сесіі прымуць удзел больш як 150 прадстаўнікоў айчынных прадпрыемстваў.
Фота Віталя Піваварчыка
