Зацверджаны парадак вядзення дзяржрэестра сістэм пітнога водазабеспячэння
Фота з архіва 16 верасня, Мінск . Зацверджана палажэнне аб парадку фарміравання, вядзення і выкарыстання дзяржаўнага рэестра сістэм пітнога водазабеспячэння, водаадвядзення (каналізацыі). Адпаведную пастанову падпісаў прэм’ер-міністр Аляксандр Турчын, паведамілі БЕЛТА ў прэс-службе ўрада.
Пастановай вызначаецца парадак стварэння, вядзення, актуалізацыі і выкарыстання дзяржаўнага рэестра сістэм пітнога водазабеспячэння, водаадвядзення (каналізацыі).
Уладальнікам дзяржаўнага рэестра з’яўляецца Міністэрства жыллёва-камунальнай гаспадаркі, якое забяспечвае яго распрацоўку, удасканаленне і мадэрнізацыю, а таксама метадалагічнае кіраўніцтва і каардынацыю дзейнасці аператара дзяржаўнага рэестра.
Функцыі аператара дзяржаўнага рэестра ўскладаюцца на ДВА «Белводаканал», у абавязкі якога ўключаны пытанні суправаджэння, размяшчэння, захоўвання, абароны інфармацыі, бесперабойнага доступу да размешчанай у ім інфармацыі, апрацоўкі інфармацыйных паведамленняў і кансультавання карыстальнікаў, а таксама іншыя пытанні, звязаныя з выкарыстаннем гэтага рэестра.
Даныя дзяржаўнага рэестра падлягаюць пастаяннаму абнаўленню і будуць выкарыстаны для арганізацыі пітнога водазабеспячэння, водаадвядзення (каналізацыі) і ацэнкі стану такіх сістэм.
Доступ да рэестра свабодны і бясплатны.
