«Заўсёды грамадзянская вайна і насілле». Эксперт аб наступствах распаўсюджвання ідэй нацыяналізму
Аляксей Аўдонін Навіны сюжэта «Праект «У тэме» на YouTube-канале БЕЛТА » Палітолаг спрагназавала, чым скончыцца канфлікт паміж Польшчай і Украінай Гегемонія або шматпалярнасць? Палітолаг растлумачыла, якая сусветная сістэма будзе больш устойлівай 11 ліпеня, Мінск . Распаўсюджванне ідэй нацыяналізму заўсёды прыводзіць да грамадзянскай вайны і насілля. Аб гэтым заявіў старшыня праўлення РДГА «Беларускае таварыства «Веды» Аляксей Аўдонін у праекце БЕЛТА «У тэме».
Эксперт, гаворачы аб важнасці міжнацыянальнага міру, які ўдалося пабудаваць і захаваць у Беларусі, назваў гэта заслугай кіраўніка дзяржавы. У 90-я гады Аляксандр Лукашэнка, стаўшы Прэзідэнтам Беларусі, спыніў распаўсюджванне любых ідэалогій і плыней, звязаных з ростам нацыяналізму. «Мы ведаем, што пасля развалу СССР на постсавецкай прасторы актыўна пачалі распаўсюджвацца ідэі нацыяналізму. Мы не раз бачылі з гісторыі, да чаго гэта прыводзіць: гэта заўсёды грамадзянская вайна і насілле. І наш Прэзідэнт, з’яўляючыся таленавітым гісторыкам, добра разумеў, як могуць развівацца падзеі, калі даць волю нацыяналізму», — адзначыў Аляксей Аўдонін.
Ён выказаў упэўненасць, што і Беларусь была б уцягнута ў грамадзянскую вайну, калі б у краіне быў развязаны міжнацыянальны і міжрэлігійны канфлікт. Такі сцэнарый мог бы быць выгадным калектыўнаму Захаду, які імкнуўся яго рэалізаваць, але ніяк не беларусам. Эксперт звярнуў увагу, што ў 2020 годзе і пазней, у прыватнасці з боку польскага кіраўніцтва, былі спробы абвінаваціць Мінск ва ўшчамленні правоў палякаў і католікоў, якія жывуць у Беларусі. «Мы гэта бачылі па тым інфармацыйным фоне, які спрабавалі фарміраваць заходнія цэнтры псіхалагічных аперацый менавіта ў той перыяд», — падкрэсліў Аляксей Аўдонін.
Тым не менш у Беларусі ўдалося не дапусціць разгулу нацыяналізму і захаваць міжнацыянальны, міжрэлігійны і міжкультурны мір. «Прэзідэнт зрабіў важны, гераічны, няхай гэта будзе гучна, але подзвіг, калі не дапусціў і ў 2020 годзе распаўсюджвання нацыяналістычнай ідэалогіі, змешанай з радыкальнымі рухамі, ваенізаванымі фарміраваннямі, бандытызмам, арганізаванай злачыннасцю. Гэта было жорстка спынена палітычнай воляй і, вядома ж, работай нашага сілавога блока, які не даў магчымасці заходнім спецслужбам і органам рэалізаваць такую мэту на нашай тэрыторыі», — рэзюмаваў эксперт.
Раней Прэзідэнт Беларусі Аляксандр Лукашэнка, удзельнічаючы ў цырымоніі адкрыцця XV Рэспубліканскага фестывалю нацыянальных культур у Гродне, заклікаў тых, хто жыве на беларускай зямлі, берагчы свой квітнеючы край. «Неяк польскае кіраўніцтва трохгадовай-пяцігадовай даўнасці нам гаварыла пра палякаў. Я ім выразна сказаў: так, у нас жывуць палякі, але гэта мае палякі. Вы ўсе нашы, вы — беларусы. Беражыце свой край. Гэты край ужо не для нас, старэйшага пакалення. Ён для дзяцей і ўнукаў. Мы гэты квітнеючы край павінны зберагчы і прымножыць», — заявіў Аляксандр Лукашэнка.
*Праект створаны за кошт сродкаў мэтавага збору на вытворчасць нацыянальнага кантэнту.
