Эстафету абласных «Дажынак» Мёры перадалі Докшыцам
17 кастрычніка, Мёры . Эстафету абласнога фестывалю-кірмашу працаўнікоў вёскі «Дажынкі» ў Мёрах перадалі прадстаўнікам Докшыцкага раёна, дзе ў 2027 годзе пройдзе наступнае свята хлебаробаў паўночнага рэгіёна краіны,
На заканчэнне ўрачыстай цырымоніі ўшаноўвання перадавікоў аграпрамысловага комплексу сімвал заканчэння жніва — сноп — ад прымаючага боку, Мёрскага раёна, перадалі Докшыцкаму. У сімвалічнай перадачы прынялі ўдзел старшыня Мёрскага райвыканкама Аляксандр Ярахновіч і старшыня Докшыцкага райвыканкама Сяргей Абірала.
Вынікі фестывалю-кірмашу працаўнікоў вёскі чарговы раз прадэманстравалі, што ключавым рэсурсам аграпрамысловага комплексу застаюцца высокапрафесійныя і адданыя сваёй прафесіі людзі. Маштабны аграрны фестываль завяршаецца, пакідаючы пасля сябе змененыя райцэнтры і новыя рэкорды на палях. Хлебная эстафета перададзена наступнаму рэгіёну, а значыць, наперадзе новыя працоўныя перамогі і шчодрыя ўраджаі.
