У Беларусі канчаткова дазволены інтэрнэт-гандаль ювелірнымі вырабамі
Фота з архіва 29 кастрычніка, Мінск . Прэзідэнт Беларусі Аляксандр Лукашэнка 29 кастрычніка падпісаў указ №393 «Аб гандлі маркіраванымі ювелірнымі вырабамі». Аб гэтым паведамілі ў прэс-службе кіраўніка дзяржавы.
Дакумент прадугледжвае надзяленне беларускіх суб’ектаў гаспадарання, якія працуюць на ювелірным рынку, правам ажыццяўляць дыстанцыйны гандаль айчыннымі ювелірнымі вырабамі з выкарыстаннем сеткі інтэрнэт пры ўмове іх маркіроўкі сродкамі ідэнтыфікацыі.
Указ дасць магчымасць вытворцам ювелірных вырабаў нарошчваць прысутнасць на ўнутраным рынку і павысіць канкурэнтаздольнасць сваёй прадукцыі за кошт прыцягнення больш шырокага кола спажыўцоў.
Як паведамлялася, раней дазвол на такі гандаль ювелірнымі вырабамі ўстанаўліваўся ў адпаведнасці з указамі Прэзідэнта і дзейнічаў на працягу пэўнага прамежку часу. Напрыклад, папярэдні раз гэта было згодна з указам ад 10 лютага 2025 года №52. Цяпер часовыя абмежаванні зняты і дазвол будзе дзейнічаць на пастаяннай аснове.
