Іспанцы прабіліся ў паўфінал чэмпіянату свету па футболе
Фота Getty Images 11 ліпеня, Мінск . Зборная Іспаніі стала другім паўфіналістам футбольнага чэмпіянату свету,
У чвэрцьфінале ў Лос-Анджэлесе дзеючыя чэмпіёны Еўропы перамаглі каманду Бельгіі з лікам 2:1. Іспанцы выйшлі наперад на 30-й мінуце пасля ўдару Фабіяна Руіса, а праз 10 мінут Шарль дэ Кетэларэ аднавіў парытэт. Пасля перапынку больш атакавалі іспанцы, і на 88-й мінуце Мікель Мерына, які выйшаў на замену, забіў пераможны гол.
У барацьбе за выхад у фінал Іспанія сустрэнецца з віцэ-чэмпіёнамі свету французамі, якія ўпэўнена перайгралі каманду Марока з лікам 2:0.
Расклад астатніх сустрэч 1/4 фіналу:
12 ліпеня 00.00 — Англія — Нарвегія (Маямі), 4.00 — Аргенціна — Швейцарыя (Канзас-Сіці).
Паўфінальныя баталіі пройдуць 14 і 15 ліпеня ў Даласе і Атланце. Няўдачнікі паўфіналаў 19 ліпеня ў Маямі сустрэнуцца ў матчы за трэцяе месца, а пераможцы ў Нью-Ёрку згуляюць у вырашальным паядынку за чэмпіёнскі тытул. Усе сустрэчы 23-га па ліку сусветнага першынства трансліруюцца ў прамым эфіры тэлеканала «Спорт ТБ».
У фінальным паядынку чэмпіянату планеты 2022 года ў Катары зборная Аргенціны перамагла ў серыі пасляматчавых пенальці каманду Францыі — 4:2 (гульнявы час — 3:3), у гульні за бронзу харваты перамаглі мараканцаў з лікам 2:1. Зборная Бразіліі пяць разоў станавілася чэмпіёнам свету, у Італіі і Германіі па чатыры тытулы, тры — у Аргенціны, па два — у Францыі і Уругвая, па адным разе перамагалі футбалісты Англіі і Іспаніі.
