Школы і гімназіі Беларусі пачынаюць прыём дзяцей у першыя класы
Фота з архіва Навіны сюжэта «Маладзёжная палітыка Беларусі » Чаму работа летам стала трэндам у моладзі? У Мінску правялі маніторынг работы студатрада На палігоне Брэсцкі стартаваў рэспубліканскі фінал «Зарнічкі» 12 чэрвеня, Мінск . Сёння беларускія школы і гімназіі пачынаюць прымаць дакументы ад бацькоў будучых першакласнікаў, .
Прыём дакументаў для залічэння ў першыя класы дзяцей, якія пражываюць у мікрараёне, прымацаваным да ўстановы адукацыі, праходзіць з 12 чэрвеня па 15 жніўня. Бацькам будучых першакласнікаў неабходна падаць заяву на імя дырэктара школы, медыцынскую даведку аб здароўі дзіцяці і пасведчанне аб нараджэнні.
У гэтыя ж тэрміны кіраўніком установы адукацыі альбо асобай, якая выконвае яго абавязкі, прымаюцца заявы на свабодныя месцы ад бацькоў дзяцей, якія не пражываюць у прымацаваным мікрараёне. Прыём такіх дзяцей на свабодныя месцы ў школы і гімназіі пройдзе ў парадку чарговасці рэгістрацыі заяў ад іх законных прадстаўнікоў. Астатнія дакументы, у выпадку калі будзе прынята станоўчае рашэнне аб прыёме дзіцяці ў школу, трэба падаць з 17 па 28 жніўня.
Варта памятаць, што дзеці, якія пражываюць у мікрараёне ўстановы адукацыі, маюць пераважнае права пры паступленні ў гэту ўстанову ў першы клас.
«Амаль 82 тыс. першакласнікаў сядуць за парты беларускіх школ у новым навучальным годзе. У параўнанні з мінулым годам ніякіх змяненняў у парадку прыёму дакументаў няма. Міністэрствам адукацыі, установамі зроблена ўсё, каб гэты парадак быў празрыстым і зразумелым для бацькоў. Месцаў у школах хопіць усім. Важна памятаць, што ўсе ўстановы адукацыі працуюць па адзіных праграмах і вучэбных планах. На сайтах школ і гімназій штодзённа будзе абнаўляцца інфармацыя аб колькасці пададзеных дакументаў і заяў на свабодныя месцы. Таксама на сайтах ёсць інфармацыя аб колькасці дзяцей, якія пражываюць у мікрараёне, замацаваным за ўстановай адукацыі, кантрольныя лічбы прыёму. Правёўшы простыя матэматычныя разлікі, можна вызначыць, ці будзе свабоднае месца для залічэння вашага дзіцяці або варта адразу вызначыцца з установай адукацыі па месцы жыхарства», — адзначыла начальнік упраўлення агульнай сярэдняй адукацыі — намеснік начальніка галоўнага ўпраўлення агульнай сярэдняй і дашкольнай адукацыі Міністэрства адукацыі Ірына Каржова.
