Малавоблачна і без ападкаў будзе 28 жніўня ў Беларусі
27 жніўня, Мінск . Якое надвор’е будзе ў Беларусі 28 жніўня, расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У пятніцу будзе малавоблачна і без ападкаў. Уначы і раніцай месцамі чакаецца слабы туман. Вецер прагназуецца ўсходні, паўднёва-ўсходні 2-7 м/с.
Тэмпература паветра ўначы складзе 6-12 градусаў цяпла, месцамі — ад плюс 3 да плюс 5. Днём будзе 19-24 градусы вышэй за нуль.
Больш актуальнай і цікавай інфармацыі пра надвор’е глядзіце ў праграме АНТ «Метэагід» на videobel.by.
