БЧ прыме дадатковыя меры для павышэння ўзроўню бяспекі на пераездах
Фота з архіва 14 кастрычніка, Мінск . Беларуская чыгунка і РУП «Белтэлекам» заключылі пагадненне аб супрацоўніцтве для павышэння ўзроўню бяспекі руху на чыгуначных пераездах за кошт укаранення дадатковых сістэм, паведамілі БЕЛТА ў прэс-цэнтры БЧ.
Подпісы пад дакументам паставілі начальнік дзяржаўнага аб’яднання «Беларуская чыгунка» Валерый Вярэніч і генеральны дырэктар РУП «Белтэлекам» Аляксандр Кенда.
Як адзначылі ў прэс-цэнтры, на беларускай магістралі эксплуатуюцца 66 пераездаў з абмежаванай бачнасцю, якія размешчаны на крывых участках пуці з рухам паяздоў са скорасцю звыш 100 км/гадз. У сітуацыі, калі на пераездзе знаходзіцца аўтамабіль, сельскагаспадарчая тэхніка або іншыя староннія аб’екты ў лакаматыўнай брыгады застаецца крытычна мала часу для прадухілення сутыкнення.
«Знізіць рызыкі аварыйных сітуацый магчыма за кошт ранняга выяўлення старонніх аб’ектаў і іншых крытычных падзей на пераездзе. Для гэтага неабходна забяспечыць аўтаматызаваны маніторынг дарожнай абстаноўкі ў зонах гэтых чыгуначных пераездаў», — растлумачылі ў прэс-цэнтры.
Папярэдне спецыялісты Беларускай чыгункі прапрацавалі шэсць розных тэхналогій кантролю занятасці пераезда і варыянтаў перадачы апявяшчэння ў кабіну лакаматыва. Вывучаны перадавыя айчынныя і сусветныя распрацоўкі.
Дапамогуць павысіць бяспеку сучасныя сістэмы відэааналітыкі на базе тэхналагічных рашэнняў «Белтэлекама» і тэхнічных сістэм БЧ. З’явіцца магчымасць распазнаваць прысутнасць старонніх аб’ектаў (людзі, жывёлы, транспартныя сродкі) праз камеры відэаназірання і аўтаматычна накіроўваць па паязной радыёсувязі паведамленні машыністам, якія знаходзяцца на адлегласці да 3 км ад пераезда.
Рэалізацыя сумеснага праекта намечана на 2027 год.
