У МНС расказалі аб фактарах небяспекі пры навальніцах
Фота з архіва 13 ліпеня, Мінск . У МНС расказалі аб фактарах небяспекі ў час навальніц, .
У такое надвор’е магчымы пашкоджанні (абрывы) ліній сувязі і электраперадачы, адключэнне электрычных падстанцый, электраэнергіі ў населеных пунктах. Павышаецца верагоднасць узнікнення лясных пажараў, а таксама пажараў у жылых і вытворчых будынках. Можа адбыцца зніжэнне бачнасці, цяжкасць руху транспарту, павялічваецца верагоднасць ДТЗ. Магчыма падтапленне асобных дамоў, гаспадарчых будынкаў, агародаў, сельгасугоддзяў, аўтадарог мясцовага значэння.
У Беларусі 13 ліпеня чакаецца воблачнае з праясненнямі надвор’е. На большай частцы тэрыторыі прагназуюцца кароткачасовыя дажджы, месцамі навальніцы. Вецер паўночна-заходні, паўночны 3-8 м/с, пры навальніцах парывы могуць дасягаць 14 м/с. Тэмпература паветра днём — плюс 24-30 градусаў.
