Сабаленка ўзначальвае рэйтынг WTA перад стартам «Ралан Гарос»
Арына Сабаленка. Фота з архіва Мінспорту 25 мая, Мінск . Беларуска Арына Сабаленка прадаўжае ўзначальваць рэйтынг Жаночай тэніснай асацыяцыі (WTA) перад стартам на другім у сезоне турніры серыі «Вялікага шлема» — адкрытага чэмпіянату Францыі,
Цяпер у актыве Сабаленка 9960 ачкоў, яна апярэджвае Алену Рыбакіну на 1647 балаў. У першым раўндзе «Ралан Гарос» саперніцай беларускі будзе іспанская тэнісістка Джэсіка Бузас Манейра, якая замыкае топ-50 рэйтынгу WTA. Беларуска Аляксандра Сасновіч, якая не здолела прабіцца ў асноўную сетку French Open, знаходзіцца на 124-й пазіцыі. Ірына Шымановіч займае 189-е месца, Алена Фалей на 235-м радку.
Першая дзясятка рэйтынгу WTA:
1. Арына Сабаленка (Беларусь) — 9960 ачкоў;
2. Алена Рыбакіна (Казахстан) — 8313;
3. Іга Свёнтак (Польшча) — 7273;
4. Коры Гаўф (ЗША) — 6749;
5. Джэсіка Пегула (ЗША) — 6268;
6. Аманда Анісімава (ЗША) — 5958;
7. Эліна Світоліна (Украіна) — 4315;
8. Міра Андрэева (Расія) — 4181;
9. Вікторыя Мбока (Канада) — 3710;
10. Караліна Мухава (Чэхія) — 3318.
На чале рэйтынгу Асацыяцыі тэнісістаў-прафесіяналаў (ATP) італьянец Янік Сінер, на другой пазіцыі іспанец Карлас Алькарас, трэцім ідзе Аляксандр Звераў з Германіі, на чацвёртым месцы серб Новак Джокавіч, амерыканец Бен Шэлтан замыкае першую пяцёрку. Лепшы з беларускіх тэнісістаў Ілья Івашка знаходзіцца на 518-й пазіцыі.
