Рыжанкоў сумняваецца ў неабходнасці выкарыстоўваць парты Балтыі для беларускага экспарту
Фота Unsplash 6 кастрычніка, Мінск . Еўрасаюз і яго асобныя краіны — вельмі ненадзейныя і непаслядоўныя партнёры. Аб гэтым міністр замежных спраў Беларусі Максім Рыжанкоў заявіў у інтэрв’ю РІА Навіны, тэкст якога апублікаваны на сайце беларускага знешнепалітычнага ведамства, .
«Еўрасаюз і яго асобныя члены, асабліва балтыйскія краіны, — вельмі ненадзейныя і непаслядоўныя партнёры. Трэба сто разоў падумаць, ці патрэбны нам увогуле парты Балтыі для перавалкі нашых тавараў з-за такіх эмацыянальных, неабгрунтаваных выбухаў эмоцый», — сказаў Максім Рыжанкоў.
Ён не стаў выключаць, што нават калі Еўрапейскі саюз зніме санкцыі супраць Беларусі, то краіны Балтыі могуць увесці свае нацыянальныя абмежаванні. «Заўтра — калійныя тэрміналы арыштаваць, паслязаўтра — не пусціць сухое малако, якое ідзе ў Афрыку ў кантэйнерах, — растлумачыў міністр. — Сёння пазіцыя адна, заўтра — другая, паслязаўтра — трэцяя. Як можна з такімі суседзямі выбудоўваць прагматычныя і гарантаваныя адносіны наперад? Вядома, мы будзем усё гэта ўлічваць. І наўрад ці дзеля вырашэння скарацечных пытанняў мы будзем ахвяраваць выбудаванымі ланцужкамі паставак, адносінамі і партнёрствам з нашымі саюзнікамі, з якімі ўсё ўжо склалася, працуе і гарантавана будзе функцыянаваць заўтра».
Кіраўнік МЗС таксама нагадаў, як Украіна яшчэ да пачатку бягучага канфлікту проста канфіскавала ў Беларусі некалькі тысяч вагонаў разам з лакаматывамі, а таксама грузавікі і судны малой рачной флатыліі, якія вазілі ўгнаенні і іншыя тавары. «Гэта ж датычыцца і тэрміналаў ва ўкраінскіх партах. Як можна заўтра проста ўзяць і сказаць: «Усё скончылася, давайце працаваць». Дзесяць разоў трэба потым думаць», — дадаў кіраўнік МЗС.
