Расія прапанавала стварыць экспертны савет па пытаннях ШІ ў рамках БРІКС
Фота з архіва ТАСС 26 кастрычніка, Мінск /Кар. БЕЛТА/. Экспертны савет па пытаннях штучнага інтэлекту (ШІ) з удзелам профільных спецыялістаў патрэбна стварыць у парламенцкім вымярэнні БРІКС. Аб гэтым заявіў старшыня Дзярждумы РФ Вячаслаў Валодзін на пленарным пасяджэнні XII Міжнароднага парламенцкага форуму БРІКС, паведамляе ТАСС.
Паводле слоў Валодзіна, гэта дасць магчымасць абменьвацца лепшымі заканадаўчымі практыкамі. Расійскі палітык адзначыў, што парламентарыям важна паспяваць адаптаваць заканадаўствы сваіх краін да зменлівых умоў. «Штучны інтэлект — гэта не толькі магчымасці, але і выклікі сённяшняга дня», — адзначыў ён.
Валодзін падкрэсліў, што нельга дапусціць таго, каб ШІ кіраваў чалавецтвам, і заклікаў парламентарыяў краін БРІКС рабіць усё са свайго боку, каб ШІ служыў людзям. На яго думку, неабходна замацаваць рэгуляванне ШІ не толькі на ўзроўні заканадаўстваў краін — удзельніц аб’яднання, але і ў рамках такіх аб’яднанняў, як БРІКС і ААН.
XII Парламенцкі форум БРІКС праходзіць 26-27 кастрычніка ў Індыі пад дэвізам «Умацаванне ролі парламентаў у інтарэсах развіцця, арыентаванага на патрэбнасці людзей».-0-
