Прававая база і навуковыя даследаванні. Як Беларусь процідзейнічае фальсіфікацыі гісторыі
Фота з архіва Навіны сюжэта «Праект «Краіна гаворыць»» Узмацненне гарантый, павелічэнне надбавак. Мінпрацы пра задачы па падтрымцы ветэранаў Чым мы ганарымся і пра што ўспамінаем у Дзень Незалежнасці? Расказалі беларусы 4 ліпеня, Мінск . Як Беларусь процідзейнічае фальсіфікацыі гісторыі, расказаў навуковы супрацоўнік цэнтра ваеннай гісторыі Беларусі Інстытута гісторыі Нацыянальнай акадэміі навук Павел Ждановіч у праекце БЕЛТА «Краіна гаворыць».
У Рэспубліцы Беларусь прымаюцца меры процідзеяння палітыцы фальсіфікацыі. «З аднаго боку, гэта нарматыўна-прававая база, якая існуе ў нас сёння, пачынаючы з 2019 года, калі мы ўносілі змяненні ў законы, звязаныя з недапушчэннем экстрэмізму. Напэўна, апафеозам нашага стаўлення да падзей Вялікай Айчыннай вайны і імкнення захаваць гістарычную памяць з’яўляецца наш асноўны закон — Канстытуцыя Рэспублікі Беларусь. Акрамя таго, будучы ўдзельнікам шматлікіх дыялогавых пляцовак напярэдадні рэферэндуму лютага 2022 года, я павінен заўважыць, што палажэнні аб захаванні гістарычнай памяці і недапушчэнні фальсіфікацыі гісторыі ў розных аўдыторыях не выклікалі ніякіх дыскусій і былі адназначна прыняты», — расказаў Павел Ждановіч.
З іншага боку, важны і сур’ёзны кампанент — гэта навука ў самым шырокім яе разуменні. «Сёння нават музейная экспазіцыя будуецца на навуковых падставах, навуковай канцэпцыі, на правераных фактах і гістарычных даных, якія маюць акадэмічны характар», — адзначыў ён.
Калі мы гаворым аб крымінальнай справе аб генацыдзе беларускага народа і адпаведным законапраекце, тут працуе прынцып непазбежнасці пакарання за любы від злачынства незалежна ад часу яго ўчынення, звярнуў увагу гісторык. «Але з іншага боку, гэта імпульс для новага навуковага вывучэння тых падзей, каб узяць пэўны акцэнт, дзесьці ўдакладніць, асабліва з пункту гледжання некаторых момантаў. І так, мы сёння называем лічбы: 187 карных аперацый, Хатынскі спіс — 290 населеных пунктаў. Сёння вядома 12868 населеных пунктаў, часткова або цалкам знішчаных. Нагадаю, да гэтага была выведзена лічба 9200. Гэтыя лічбы паказваюць маштаб трагедыі, таму што за гэтай сухой статыстыкай стаіць чалавечае жыццё. А няма нічога вышэйшага за чалавечае жыццё. Тут мы можам разважаць з пункту гледжання плана «Ост», які сведчыць аб тым, што беларускі народ не збіраліся захоўваць ні ў якім выглядзе. І тыя працэнты, якія былі прадугледжаны, зыходзячы з практыкі рэалізацыі па стварэнні месцаў прымусовага ўтрымання на тэрыторыі БССР, ён быў бы не проста выкананы, а значна перавыкананы. Згодна з планам «Ост», працэнт для беларусаў быў адзін, для рускіх другі, для ўкраінцаў трэці. І сапраўды, на тэрыторыі БССР і Савецкага Саюза самы вялікі канцлагер — гэта «Трасцянец». «Трасцянец» з’яўляецца чацвёртым канцлагерам наогул у Еўропе па колькасці знішчаных там грамадзян пасля «Майданака», «Траблінкі», — расказаў Павел Жлановіч.
*Праект створаны за кошт сродкаў мэтавага збору на вытворчасць нацыянальнага кантэнту
