Поезд з Адлера ў Мінск будзе ісці змененым маршрутам
Фота з архіва 9 кастрычніка, Мінск . Па тэхнічных прычынах мяняецца маршрут і расклад поезда Адлер — Мінск. Аб гэтым БЕЛТА паведамілі ў прэс-службе БЧ.
Састаў №301 адпраўленнем з Адлера 7 кастрычніка ў 20.38 і прыбыццём у Мінск 9 кастрычніка ў 19.03 ідзе праз станцыю Орша-Цэнтральная (замест Гомеля) да Мінска. У Мінск поезд прыбудзе ў 18.30 (замест 19.03).
Для дастаўкі пасажыраў ад станцый Расійскай Федэрацыі да станцый участка Гомель — Мінск дадаткова назначаны поезд №612 Мінск — Гомель. Поезд адправіцца са станцыі Мінск-Пасажырскі 9 кастрычніка ў 20.26 і прыбудзе ў Гомель у 23.55.
«Для пасажыраў, якія раней набылі праязныя дакументы на поезд №301 Адлер — Мінск ад станцый участка Гомель — Мінск, назначаны поезд №611 Гомель — Мінск адпраўленнем з Гомеля 9 кастрычніка ў 14.38 і прыбыццём у Мінск у 19.03», — адзначылі ў прэс-службе.
Таксама 9 кастрычніка па тэхнічных прычынах поезд №302 Мінск — Адлер ідзе па дзеючым раскладзе да станцыі Гомель, затым — змененым маршрутам праз Магілёў, Оршу, Бранск і далей сваім маршрутам.
Больш падрабязную інфармацыю пра расклад руху паяздоў можна знайсці на афіцыйным інтэрнэт-сайце Беларускай чыгункі, у афіцыйным мабільным дадатку «БЧ. Мой поезд», а таксама па тэлефоне 105 Кантакт-цэнтра БЧ.
