У Беларусь прыбыў самалёт з прадстаўнікамі Расіі і Украіны, якія ўдзельнічалі ў гуманітарнай аперацыі ў Алешках
Навіны сюжэта «Алешкі. Гуманітарная місія» «Гатовы адзець, накарміць, абагрэць і даць магчымасць людзям адчуць сябе ў бяспецы». Шпілеўская аб сустрэчы жыхароў Алешак у Гомелі «Гатовы сваім цяплом укрыць кожнага, хто мае патрэбу ў падтрымцы». Шаўцоў аб місіі БЧК 31 кастрычніка, Гомельскі раён . У Беларусь прыбыў самалёт з прадстаўнікамі расійскай і ўкраінскай дэлегацый, якія прымалі ўдзел у гуманітарнай аперацыі ў прыфрантавым горадзе Алешкі на херсонскім напрамку,
На чале дэлегацый — намеснік начальніка ўпраўлення спецыяльных праектаў рабочага апарату Упаўнаважанага па правах чалавека ў Расіі Ігар Кашын і ўпаўнаважаны Вярхоўнай рады па правах чалавека Дзмітрый Лубінец. На борце, акрамя прадстаўнікоў Масквы і Кіева, таксама замежныя журналісты і карэспандэнт беларускага тэлеканала. 
Самалёт зрабіў пасадку ў аэрапорце Гомеля. 
Прадстаўнікоў Расіі і Украіны ў аэрапорце Гомеля сустрэлі старшыня Пастаяннай камісіі па працы і сацыяльных пытаннях Палаты прадстаўнікоў Ірына Касцевіч і старшыня Беларускага саюза жанчын Вольга Шпілеўская. Дзмітрый Лубінец падзякаваў беларускаму боку. 
Як паведамлялася раней, Беларусь далучылася да гуманітарнай аперацыі ў Алешках. Мінск стаў актыўным удзельнікам гэтага міжнароднага працэсу. Менавіта тэрыторыя Беларусі 29 кастрычніка стала зыходным пунктам у вялікім маршруце гуманітарнай аперацыі.
Беларускі бок стварыў усе неабходныя ўмовы для правядзення першых вочных кантактаў прадстаўнікоў Масквы і Кіева, аказаўшы неабходнае ўсебаковае садзейнічанне і выступіўшы гарантам бяспекі.
