Дзяржпрамнагляд выдаў заключэнні аб гатоўнасці да ацяпляльнага сезона больш як па 5,1 тыс. кацельнях
Фота з архіва 23 верасня, Мінск . Заключэнні Дзяржпрамнагляду аб гатоўнасці да асенне-зімовага перыяду выдадзены па 5168 кацельнях. Аб гэтым паведаміў на прэс-канферэнцыі начальнік упраўлення нагляду за бяспекай абсталявання, якое працуе пад ціскам, і цеплавых электрастанцый Дэпартамента па наглядзе за бяспечным вядзеннем работ у прамысловасці Міністэрства па надзвычайных сітуацыях Васіль Леснічэнка,
Дзяржпрамнагляд кантралюе і выдае заключэнні аб гатоўнасці да асенне-зімовага перыяду для ацяпляльных кацельняў магутнасцю больш за 200 кВт, незалежна ад магутнасці ўстаноўленых у іх катлоў. «Асаблівая ўвага ўдзяляецца своечасовасці тэхнічнага агляду і дыягнаставання абсталявання, спраўнасці кантрольна-вымяральных прыбораў і прыбораў аўтаматыкі бяспекі, абсталяванню водападрыхтоўкі і запорна-рэгулюючай арматуры, а таксама наяўнасці кваліфікаванага персаналу», — адзначыў Васіль Леснічэнка.
Паводле слоў начальніка ўпраўлення, кантроль за падрыхтоўкай кацельняў праводзіцца ва ўзаемадзеянні з тэрытарыяльнымі органамі ўлады і філіяламі Дзяржэнергагазнагляду. Для інфармавання суб’ектаў гаспадарання на сайце Дзяржпрамнагляду размешчаны даведачныя матэрыялы. Акрамя таго, арганізаваны нарады і круглыя сталы з удзелам уладальнікаў кацельняў і іншых зацікаўленых арганізацый.
Па стане на 22 верасня 2026 года кантролю да падрыхтоўцы да асенне-зімовага перыяду падлягалі 5185 кацельняў (1953 суб’екты гаспадарання). «Заключэнне Дзяржпрамнагляду аб гатоўнасці выдадзена па 5168 кацельнях. Цяпер падрыхтоўку завяршаюць 17 кацельняў, — звярнуў увагу начальнік упраўлення. — Для Дзяржпрамнагляду кантроль за падрыхтоўкай аб’ектаў да асенне-зімовага перыяду з’яўляецца прыярытэтным напрамкам».
