«Пераможаны нацызм не павінен зноў узняць галаву». Дэлегацыі Беларусі і Расіі пры АБСЕ выступілі з заявай
Фота з архіва 22 чэрвеня, Мінск . Дэлегацыі пастаянных прадстаўніцтваў Рэспублікі Беларусь і Расійскай Федэрацыі пры АБСЕ 22 чэрвеня выступілі з сумеснай заявай з нагоды 85-й гадавіны пачатку Вялікай Айчыннай вайны. Аб гэтым са спасылкай на беларускае знешнепалітычнае ведамства.
«22 чэрвеня 1941 года гітлераўскія войскі вераломна напалі на Савецкі Саюз. Пачалася Вялікая Айчынная вайна. Не прымаем развіваемы шэрагам дзяржаў — удзельніц АБСЕ кашчунскі і антынавуковы тэзіс аб «аднолькавай адказнасці» СССР і нацысцкай Германіі за развязванне вайны. Не падлягаюць апраўданню захопніцкія памкненні паслядоўнікаў ідэалогіі нацызму і чалавеканенавісніцтва, якія прывялі да найвялікшай у гісторыі трагедыі», — гаворыцца ў дакуменце.
«Назаўсёды захаваем памяць аб 27 мільёнах савецкіх грамадзян, якія загінулі ў гады Вялікай Айчыннай вайны. Выгнанне і знішчэнне мірнага насельніцтва нацыстамі і іх памагатымі, зафіксаваныя ў тым ліку ў прыгаворы Нюрнбергскага трыбунала, павінны расцэньвацца як генацыд народаў Савецкага Саюза. Не дазволім забыць подзвіг Чырвонай Арміі, якая ўнесла вырашальны ўклад у разгром нацысцкага Трэцяга рэйха і вызваленне дзяржаў Еўропы ад жахаў фашызму і нацыянал-сацыялізму, дала народам і краінам шанц на свабоду і працвітанне», — падкрэсліваецца ў заяве.
Рэспубліка Беларусь і Расійская Федэрацыя рашуча асуджаюць любыя формы гераізацыі нацысцкага руху, абялення былых членаў арганізацыі «Вафен-СС» і іх памагатых, а таксама патуранне праяўленням неанацызму. Абедзве краіны выступаюць супраць разгорнутай шэрагам дзяржаў — удзельніц АБСЕ «вайны» з мемарыяламі воінам-вызваліцелям і брацкімі пахаваннямі.
Маніпуляванне гістарычнай памяццю і падладжванне пад прыхільнікаў нацысцкай ідэалогіі дзеля карыслівых інтарэсаў і палітычнай кан’юнктуры пагражае паўтарэннем трагедыі, роўнай Другой сусветнай вайне.
«Наш агульны абавязак — захаваць гістарычную памяць, не паўтараць памылак мінулага, рабіць усё магчымае, каб процідзейнічаць праяўленням расізму, ксенафобіі і неанацызму. Падкрэсліваем у гэтым кантэксце значэнне прынятай 15 снежня 2025 года рэзалюцыі Генеральнай Асамблеі ААН «Барацьба з гераізацыяй нацызму, неанацызмам і іншымі відамі практыкі, якія садзейнічаюць эскалацыі сучасных форм расізму, расавай дыскрымінацыі, ксенафобіі і звязанай з імі нецярпімасці». Пераможаны нацызм не павінен зноў узняць галаву», — гаворыцца ў заяве.
