Мінскае «Дынама» прыме лідзіруючы ва Усходняй канферэнцыі КХЛ «Металург»
Фота з архіва 14 кастрычніка, Мінск . Мінскае «Дынама» сёння правядзе першы з двух матчаў чарговай дамашняй серыі ў рэгулярным чэмпіянаце Кантынентальнай хакейнай лігі,
Сапернікам «зуброў» будзе магнітагорскі «Металург», за які выступае беларускі абаронца Даніла Паліўка. 6 кастрычніка ўральцы адхілілі ад работы галоўнага трэнера Андрэя Разіна — пасля гэтага каманда выйграла тры матчы з трох з агульным лікам 13:3. «Магнітка» з 25 ачкамі лідзіруе ва Усходняй канферэнцыі, апярэджваючы праследавацеляў на сем і больш балаў.
Мінскае «Дынама» пачынаючы з канца верасня ідзе па графіку «адно паражэнне — адна перамога». На сваім лёдзе падапечныя Сяргея Брыліна выглядаюць больш упэўнена, чым у гасцях: з дзевяці дамашніх матчаў сезона «зубры» засталіся без ачкоў толькі ў адным. У табліцы Захаду сталічны клуб дзеліць 5-7 месцы з «Шанхаем» і СКА (па 17 балаў).
У мінулым рэгулярным чэмпіянаце «Дынама» і «Металург» сустракаліся двойчы, і абодва разы мацнейшымі былі ўральцы. Таксама сапернік атрымаў перамогу ў матчы на перадсезонным Кубку Мінска ў жніўні. Папярэдні раз наша каманда перамагала магнітагорцаў тры з палавінай гады таму. Паядынак стартуе ў «Мінск-Арэне» ў 19.10.
