Мінск — маладзёжная сталіца Беларусі
Маладзёжная сталіца — галоўная пляцоўка рэалізацыі маладзёжных ініцыятыў, інавацыйных праектаў і мерапрыемстваў.
Рэспубліканскі праект «Маладзёжная сталіца» рэалізуецца ў Беларусі з 2016 года.
Статус маладзёжнай сталіцы прысуджаецца гораду па выніках конкурсу тэрмінам на адзін год.
На працягу года праводзяцца адукацыйныя і спартыўныя форумы, розныя фестывалі, акцыі і сацыяльныя ініцыятывы, накіраваныя на развіццё маладзёжнага асяроддзя, сустрэчы з удзелам моладзі.
Маладзёжныя сталіцы ў розныя гады
2016 — Баранавічы — першая маладзёжная сталіца,
2017 — Полацк,
2018 — Магілёў,
2019 — Орша,
2020 — Пінск,
2021 — Гродна,
2022 — Віцебск,
2023 — Наваполацк,
2024 — Брэст,
2025 — Гомель.
У 2026 годзе статус маладзёжнай сталіцы прысвоены гораду Мінску. Старт праекта — 26-27 сакавіка.
Лагатыпам выбрана стылізаваная літара «М», якая аб’ядноўвае некалькі сэнсаў: Мінск, моладзь, а таксама адкрытыя маршруты і магчымасці.
Сімвалам маладзёжнай сталіцы 2026 года стаў Вожык Мінчонак.
Мінск — сталіца Беларусі, палітычны, эканамічны, прамысловы, навуковы і культурны цэнтр краіны.
Насельніцтва — амаль 2 млн чалавек (21,9% ад агульнай колькасці насельніцтва Беларусі)*.
Плошча — 353,6 кв.км.
* На 1.01.2025 г.
Крыніцы: Мінгарвыканкам, Белстат, адкрытыя крыніцы
