Мінадукацыі ўдакладніла парадак правядзення рэспубліканскіх конкурсаў сярод педработнікаў
Фота з архіва 17 верасня, Мінск . Міністэрства адукацыі ўдакладніла парадак правядзення рэспубліканскіх конкурсаў сярод педагагічных работнікоў. Гэта прадугледжана ведамаснай пастановай ад 26 жніўня 2026 года №154 «Аб парадку правядзення рэспубліканскіх конкурсаў сярод педагагічных работнікаў», са спасылкай на Нацыянальны прававы інтэрнэт-партал.
Згодна з зацверджанай прававым актам інструкцыяй конкурсы накіраваны на выяўленне, абагульненне і распаўсюджванне вопыту работы лепшых педагагічных работнікаў. Правядзенне конкурсаў прызначана вырашыць задачы па павышэнні якасці адукацыі, развіцці творчых ініцыятыў педагагічных работнікаў, падтрымцы эксперыментальнай і інавацыйнай дзейнасці ў сферы адукацыі, а таксама па фарміраванні ўменняў індывідуальнай або калектыўнай работы, выяўленні таленавітых, творча працуючых педагагічных работнікаў і інш.
Арганізатарам рэспубліканскіх конкурсаў выступае Мінадукацыі. Інфармацыя аб правядзенні мерапрыемстваў размяшчаецца на афіцыйным сайце ведамства не пазней як за месяц да іх пачатку.
Шэраг пастаноў Міністэрства адукацыі прызнаецца страціўшым сілу, у тым ліку ад 30 снежня 2004 года №84 «Аб зацвярджэнні Інструкцыі аб рэспубліканскім конкурсе педагагічных работнікаў устаноў адукацыі, якія маюць высокія дасягненні ў выхаваўчай рабоце», ад 29 кастрычніка 2007 года №65 «Аб зацвярджэнні Інструкцыі аб парадку правядзення рэспубліканскага конкурсу «Сучасныя тэхналогіі ў спецыяльнай адукацыі» і інш.
Прававы акт уступае ў сілу пасля яго афіцыйнага апублікавання.
