Лукашэнка павіншаваў прэм’ер-міністра Эфіопіі Абія Ахмеда з перамогай яго партыі на ўсеагульных выбарах
Абій Ахмед. Фота РІА Навіны 23 чэрвеня, Мінск . Прэзідэнт Беларусі Аляксандр Лукашэнка павіншаваў прэм’ер-міністра Эфіопіі Абія Ахмеда з перамогай на ўсеагульных выбарах узначаленай ім «Партыі працвітання». Аб гэтым паведамілі ў прэс-службе беларускага лідара.
«Вынікі народнага волевыяўлення чарговы раз пацвярджаюць высокі давер эфіопскага грамадства да Вашага палітычнага курсу, накіраванага на забеспячэнне нацыянальнага адзінства, умацаванне суверэнітэту і дасягненне ўстойлівага эканамічнага росту краіны», — гаворыцца ў віншаванні.
«Беларусь надае вялікае значэнне пашырэнню ўзаемадзеяння з Эфіопіяй, нашым надзейным і перспектыўным партнёрам на Афрыканскім кантыненце, у гандлёвай, прамысловай, гуманітарнай і іншых сферах. Перакананы, развіццю трывалых сувязей будуць садзейнічаць падпісанне ключавых двухбаковых пагадненняў, стварэнне міжурадавага камітэта па гандлёва-эканамічным супрацоўніцтве, аднаўленне зборачнай вытворчасці беларускіх трактароў у Эфіопіі», — адзначыў Прэзідэнт.
Аляксандр Лукашэнка пажадаў Абію Ахмеду здароўя і далейшых поспехаў у рэалізацыі дзяржаўных задач на карысць эфіопскага народа.
