«Людзі нас падтрымліваюць». Лукашэнка аб выніках маштабнага сацдаследавання
Фота з архіва 11 верасня, Баранавіцкі раён . Прэзідэнт Беларусі Аляксандр Лукашэнка, размаўляючы з журналістамі на агульнавайсковым палігоне Абуз-Лясноўскі, падзяліўся вынікамі праведзенага ў рэспубліцы маштабнага сацыялагічнага даследавання,
У час размовы кіраўніка дзяржавы з журналістамі размова зайшла аб рэспубліканскім сацыялагічным даследаванні па актуальных пытаннях сацыяльна-эканамічнага развіцця Беларусі. Грамадскасці прэзентавалі першую частку вынікаў, аднак Прэзідэнт ужо атрымаў усе даныя сацдаследавання.
«Людзі нас падтрымліваюць, ні па адным пытанні настрою дрэннага няма», — адзначыў Аляксандр Лукашэнка.
«Я здзівіўся: Віцебская вобласць — самая шчаслівая! Хто б мог падумаць? Значыць, усё ж такі людзі ў нас моцныя, — прывёў прыклад беларускі лідар. — Мы ўсё будзем рабіць для таго, каб віцябчане не былі расчараваны і далей».
Гаворачы пра стан эканомікі, Прэзідэнт звярнуў увагу на сельскую гаспадарку і правядзенне палявых работ. «Збожжавыя каласавыя ўбралі, рапс убралі, грэчку заканчваем убіраць. Яравы рапс, які яшчэ даспявае, мы закончым на працягу тыдня. Застанецца кукуруза на зерне», — сказаў ён.
Паводле слоў Аляксандра Лукашэнкі, ёсць невялікія праблемы ў прамысловасці, аднак у цэлым галіна паказвае добры рост. «Астатнія прадпрыемствы мы прывядзём да прытомнасці, будуць працаваць як мае быць», — упэўнены кіраўнік дзяржавы.
