Каранік: селекцыя лёну — адзін з моцных бакоў беларускай навукі
Уладзімір Каранік 13 лістапада, Орша . Нацыянальная акадэмія навук Беларусі і Міністэрства сельскай гаспадаркі і харчавання працуюць у цесным кантакце па ўдасканаленні работы па вырошчванні лёну. Аб гэтым заявіў журналістам старшыня Прэзідыума НАН Беларусі Уладзімір Каранік,
«Селекцыя лёну — адзін з моцных бакоў нашай айчыннай навукі», — падкрэсліў кіраўнік НАН.
Паводле яго слоў, краіна не толькі забяспечвае сваіх аграрыяў высакаякасным насеннем беларускай селекцыі, але і пастаўляе яго на экспарт. «Распрацаваны тэхналагічныя рэгламенты, дадзены рэкамендацыі па падборы глеб. Навуковая база падведзена. Але лён — гэта вельмі складаная культура. Яна патрабуе строгага выканання тэхналогій, — сказаў Уладзімір Каранік. — Было даручэнне наладзіць цеснае ўзаемадзеянне паміж НАН і Мінсельгасхарчам. З аднаго боку, вучоныя павінны максімальна хутка і аператыўна ўносіць змяненні ў рэгламенты, як таго патрабуюць новыя даныя і веды. А Мінсельгасхарч павінен забяспечыць кантроль за іх выкананнем на месцах. Гэта дасць магчымасць вывесці на новы ўзровень якасць атрымліваемай ільнотрасты і ўраджайнасць».
«За апошнія 5 гадоў дзякуючы пільнай увазе Прэзідэнта, каардынуючай ролі Мінсельгасхарча, а, галоўнае, працы работнікаў сферы АПК сітуацыя па лёне паляпшаецца — растуць ураджайнасць, аб’ём вытворчасці. Навука ўносіць свой сціплы ўклад, але асноўны цяжар кладзецца на аграрыяў. Мы гатовы больш актыўна аказваць навукова-метадычнае суправаджэнне», — дадаў Уладзімір Каранік.
