Жылфонд Мінска поўнасцю гатовы да прыёму цяпла — работы завершаны на ўсіх аб’ектах
Фота з архіва 14 верасня, Мінск . Увесь жыллёвы фонд Мінска гатовы да прыёму цяпла. Аб гэтым расказаў журналістам начальнік упраўлення гарадской гаспадаркі і энергетыкі Мінгарвыканкама Аляксандр Ракаўшчык,
Згодна з рашэннем Мінгарвыканкама да маючага адбыцца ацяпляльнага сезона быў зацверджаны пералік мерапрыемстваў для выканання ў міжацяпляльны перыяд гэтага года. «Выкананы ўсе запланаваныя работы па рамонце дахаў, стыкаў, шкленні ў жылфондзе. Пашпарты гатоўнасці атрыманы на 100% аб’ектаў, уключаючы тыя, што ўваходзяць у склад таварыстваў уласнікаў і ЖБСК. Такім чынам, увесь жыллёвы фонд горада да прыёму цяпла гатовы», — адзначыў Аляксандр Ракаўшчык.
Праведзена вялікая работа энергетыкамі — пастаўшчыкамі цяпла. «Выкананы рамонт усіх кацельняў, ЦЭЦ, трубаправодаў, гідравыпрабаванні і прамыванні сістэм цеплазабеспячэння жылых дамоў, і цяпер завяршаецца іх запаўненне хімічна ачышчанай вадой. У гэтым годзе акцэнт зроблены на замену трубаправодаў вялікіх дыяметраў. Усяго прадпрыемствам «Мінсккамунсетка» да канца года будзе перакладзена 55 км цепласетак і 86 км — «Мінскэнерга». Прычым усё гэта трубаправоды вялікіх дыяметраў, каб выключыць магчымасць узнікнення аварыйных сітуацый», — растлумачыў начальнік упраўлення гарадской гаспадаркі і энергетыкі Мінгарвыканкама.
У гэтым годзе ў горадзе ўпершыню праведзена мэтанакіраваная замена запорнай арматуры, каб у выпадку аварыі была магчымасць паэтапнага адключэння жылых дамоў. Таксама завяршаецца працэс замены электрашчыткоў, што таксама выключыць аварыйныя сітуацыі.
«У мінулым годзе ў зімовы перыяд фіксавалася больш як 200 выпадкаў спынення электратранспарту. Таму прыняты меры па замене элементаў кантактнай сеткі, работы ў гэтым напрамку будуць завершаны да 1 лістапада», — расказаў Аляксандр Ракаўшчык.
