Больш за 600 чалавек зарэгістраваліся для ўдзелу ў ЦЭ і ЦТ у рэзервовыя дні
Фота з архіва Навіны сюжэта «Маладзёжная палітыка Беларусі » Школы і гімназіі Беларусі пачынаюць прыём дзяцей у першыя класы Чаму работа летам стала трэндам у моладзі? У Мінску правялі маніторынг работы студатрада 12 чэрвеня, Мінск . Больш за 600 чалавек зарэгістраваліся для ўдзелу ў ЦЭ і ЦТ у рэзервовыя дні. Аб гэтым паведаміў дырэктар Рэспубліканскага інстытута кантролю ведаў Дзмітрый Міронаў.
«На цэнтралізаваны экзамен у рэзервовыя дні зарэгістраваліся 164 выпускнікі, яны выканаюць 269 тэстаў. На цэнтралізаванае тэсціраванне ў рэзервовыя дні запісалася 475 абітурыентаў, яны напішуць 711 тэстаў. Большасць удзельнікаў цэнтралізаваных іспытаў выканаюць тэст па рускай мове — 276 чалавек», — праінфармаваў Дзмітрый Міронаў.
Рэзервовымі днямі правядзення ЦТ у гэтым годзе вызначаны 18, 20 і 22 чэрвеня. Так, 18 чэрвеня адбудуцца іспыты па ўсіх вучэбных прадметах, 20 чэрвеня — па ўсіх вучэбных прадметах акрамя рускай і беларускай мовы, 22 чэрвеня — па рускай і беларускай мове. Акрамя таго, 20 і 22 чэрвеня вызначаны рэзервовымі днямі правядзення цэнтралізаванага экзамену (яны будуць сумешчаны з рэзервовымі днямі цэнтралізаванага тэсціравання).
