Беларуска Гурэева заваявала серабро фінальнага этапу Кубка свету па пяцібор’і
Віялета Гурэева. Фота Мінспорту 28 чэрвеня, Мінск . Беларуска Віялета Гурэева стала сярэбраным прызёрам фінальнага этапу Кубка свету па сучасным пяцібор’і 2026 года ў сталіцы Венгрыі Будапешце,
Удзел у жаночым турніры прынялі 36 лепшых спартсменак па выніках трох папярэдніх этапаў Кубка свету, 26 чэрвеня праз сіта паўфіналаў у Будапешце прайшлі 18 дзяўчат, у тым ліку дзве беларускі. У нядзельным фінале Гурэева была лепшай у фехтаванні, стала трэцяй на паласе перашкод і паказала восьмыя рэзультаты ў плаванні і лазер-ране. Увогуле Віялета набрала 1488 ачкоў і заняла другое месца, уступіўшы на фінішы пяць секунд Ганне Юрт са Швейцарыі.
Тройку мацнейшых з адставаннем ад беларускі на сем секунд дапоўніла іспанка Лаўра Херэдыя. Яшчэ адна наша спартсменка Настасся Малашэнока замкнула топ-10. Раней у гэтым сезоне Віялета Гурэева заваявала бронзу на першым этапе Кубка свету ў Егіпце. Два гады таму сярэбраным прызёрам фіналу Кубка свету была наша Марыя Гнедчык.
