Абмежаванні на наведванне лясоў уведзены амаль па ўсёй Беларусі
Фота з архіва 30 жніўня, Мінск . Абмежаванні на наведванне лясоў уведзены амаль па ўсёй тэрыторыі Беларусі, а ў Салігорскім раёне з 29 жніўня дзейнічае забарона на наведванне ў сувязі з устанаўленнем IV класа пажарнай небяспекі. Аб гэтым сведчаць даныя інтэрактыўнай карты Мінлясгаса, .
Зялёным колерам, які азначае, што рашэнні аб абмежаваннях не прымаліся, адзначаны толькі Полацкі, Докшыцкі і Гарадоцкі раёны.
Перад паходам у лес спецыялісты рэкамендуюць даведацца пра актуальную інфармацыю на афіцыйным сайце Мінлясгаса. Таксама інфармацыю можна ўдакладніць у мясцовых райвыканкамах і лесагаспадарчых установах.
