У Будславе пройдуць урачыстасці ў гонар абраза Божай Маці
Фота з архіва 2 ліпеня, Мінск . У Будславе з 2 па 4 ліпеня пройдуць урачыстасці ў гонар абраза Божай Маці. Аб гэтым БЕЛТА паведамілі ў прэс-службе Каталіцкага касцёла ў Беларусі.
Для ўдзелу ва ўрачыстасцях у Будслаў накіруюцца шматлікія паломнікі з розных куткоў краіны і не толькі. На працягу ўсяго фэсту ў вернікаў будзе магчымасць ушанаваць цудатворны абраз Маці Божай Будслаўскай і памаліцца перад ім.
У праграме мерапрыемстваў — святыя імшы, Хрэсны ход, які пройдзе 3 ліпеня ў 21.00, працэсія з копіяй абраза Маці Божай Будслаўскай, Боская літургія каля галоўнага алтара святыні, абнаўленне шлюбных абяцанняў з нагоды 35-годдзя шлюбу (4 ліпеня ў 9.45), мерапрыемствы для моладзі і інш.
Больш падрабязную інфармацыю можна атрымаць на сайце Каталіцкага касцёла ў Беларусі.
Як паведамлялася раней, за работамі ў касцёле Успення Прасвятой Дзевы Марыі ў Будславе пасля пажару 2021 года сочаць не толькі католікі, зацікаўленыя ў хутчэйшай рэстаўрацыі адной з самых старажытных каталіцкіх святынь, аб чым сведчыць падтрымка на розных узроўнях. Чарговым істотным крокам стала распараджэнне Аляксандра Лукашэнкі аб выдзяленні з фонду Прэзідэнта Беларусі па падтрымцы культуры і мастацтва больш як 260 тыс. рублёў на правядзенне першарадных работ, уключаючы распрацоўку дакументацыі па ўзмацненні фундаментаў, сцен, скляпенняў і папружных арак.
Раней каталіцкі храм атрымаў часовы дах. Час паказаў, што ні кліматычныя перапады, ні моцныя вятры не мяшаюць яму выконваць сваю функцыю. У Будславе разлічваюць, што з улікам добра выкананага даху, наступных тэхнічных і фінансавых затрат, магчыма, спатрэбіцца менш. Паводле слоў спецыялістаў, дах павінен прастаяць каля пяцідзесяці гадоў.
Наступным этапам рэстаўрацыі стане аднаўленне фрэсак, алтароў, фігур і інш., а заключным этапам — добраўпарадкаванне тэрыторыі, стварэнне інфраструктуры для камфорту паломнікаў і турыстаў.
