Лукашэнка: Беларусь і Інданезія ўжо заключылі дагаворы на дзясяткі мільёнаў долараў
2 ліпеня, Джакарта . Беларусь і Інданезія ўжо заключылі дагаворы на дзясяткі мільёнаў долараў. Аб гэтым Прэзідэнт Беларусі Аляксандр Лукашэнка заявіў у Джакарце па выніках перагавораў з Прэзідэнтам Інданезіі Прабова Субіянта,
Аляксандр Лукашэнка падзякаваў Прэзідэнту Інданезіі за запрашэнне наведаць краіну, а таксама за гасцінны прыём, аказаны беларускай дэлегацыі.
«Я з цеплынёй успамінаю свой папярэдні візіт у Інданезію, які адбыўся ў 2013 годзе. З задавальненнем адзначаю, як хутка мяняецца ваша цудоўная краіна і ўпэўнена расце яе эканоміка, — сказаў ён. — Я задаволены тым, што ў выніку нашага візіту ў Інданезію, пасля перагавораў з Прэзідэнтам Інданезіі ў Мінску і дзякуючы рабоце нашых міністраў, членаў усёй дэлегацыі, прадстаўнікоў бізнесу мы ўжо на сённяшні дзень тут заключылі дагавораў на дзясяткі мільёнаў долараў».
Кіраўнік дзяржавы адзначыў, што гэты візіт ён з інданезійскім калегам планаваў яшчэ год таму. «Гэта я гавару для таго, каб у Беларусі разумелі, што гэты візіт абсалютна планавы. Даўно мы дамовіліся аб тым, што тут сустрэнемся, абмяркуем нашы планы, дарожную карту. Што мы і зрабілі», — заявіў Аляксандр Лукашэнка.
