Узаемадзеянне Беларусі і Узбекістана на ўзроўні рэгіёнаў набірае абароты — Каранкевіч
26 кастрычніка, Мінск . Узаемадзеянне Беларусі і Узбекістана на ўзроўні рэгіёнаў набірае абароты, у тым ліку дзякуючы дасягнутым раней дамоўленасцям. Аб гэтым заявіў намеснік прэм’ер-міністра Беларусі Віктар Каранкевіч у час сустрэчы з хакімам Ташкенцкай вобласці Узбекістана Заірам Мірзаевым,
«Мы высока цэнім дасягнуты ўзровень беларуска-ўзбекскага супрацоўніцтва. Асабліва яскравым прыкладам з’яўляецца ўзровень адносін прэзідэнтаў Беларусі і Узбекістана, якія дэманструюць прыклад высокага даверу, павагі, падтрымкі, дружбы паміж нашымі краінамі. Хацелася б адзначыць і высокую актыўнасць узаемадзеяння на ўзроўні ўрадаў, міністэрстваў, адпаведных суб’ектаў гаспадарання. Таксама вельмі важна адзначыць і ўзаемадзеянне на ўзроўні рэгіёнаў, якое набірае абароты, у тым ліку ў рамках дамоўленасцей III Форуму рэгіёнаў Беларусі і Узбекістана. Упэўнены, што многія дамоўленасці ўжо знаходзяцца ў стадыі рэалізацыі. І ваш візіт у Беларусь таксама надасць моцны імпульс рэалізацыі гэтых дамоўленасцей. Вельмі важна далей выбудоўваць адносіны па развіцці кааперацыйных сувязей, стварэнні сумесных прадпрыемстваў, вытворчасцей», — сказаў Віктар Каранкевіч.
Заір Мірзаеў у сваю чаргу адзначыў значнасць развіцця двухбаковых адносін на рэгіянальным узроўні. «Мы працуем у Мінску, у Гомелі, цяпер ужо дабаўляецца Брэст. Учора мы ў Гродне наведалі тры аб’екты, якія нашы кампаніі будуюць. У дарожнай карце было шэсць праектаў, па ўсіх пачата ўжо работа. Сёння паспелі пабываць на МАЗе, і там пачалі весці перагаворы», — абазначыў ён. 
Фота Андрэя Сіняўскага
