Шэрсць для касцюмаў і паліто. Беларусь і Манголія будуць супрацоўнічаць у сферы пашыву адзення
26 кастрычніка, Мінск . Беларусь і Манголія па выніках перагавораў лідараў дзвюх краін у Палацы Незалежнасці 26 кастрычніка падпісалі мемарандум аб супрацоўніцтве ў лёгкай прамысловасці,
Старшыня канцэрна «Беллегпрам» Надзея Лазарэвіч, якая ўдзельнічала ў перагаворах у пашыраным складзе, падкрэсліла ў размове з журналістам : «У нас з Манголіяй апошнім часам ідзе цеснае ўзаемадзеянне. Добрая дынаміка кантактаў — дзякуючы падтрымцы кіраўнікоў дзвюх краін. Цяпер мы адпрацоўваем пытанне куплі мерыносавай шэрсці з Манголіі, якая славіцца сваімі прэміяльнымі якасцямі».
Яна таксама растлумачыла: «Для нас гэта вельмі цікава таму, што гэта будзе новая сыравіна для ААТ «Камволь». Размова ідзе пра перапрацоўку шэрсці і выпуск у канчатковым выніку ўнікальнай тканіны, якая будзе выкарыстоўвацца для пашыву касцюмаў і паліто. Таму сумесна з мангольскім бокам будзе выбраны пастаўшчык, у якога мы будзем купляць гэту шэрсць. Мы вельмі зацікаўлены ў куплі гэтай сыравіны, таму што гэта робіць нас унікальным вытворцам, дасць магчымасць пашырыць наменклатуру тавараў і стаць яшчэ больш канкурэнтаздольнымі».
Як адзначыў Прэзідэнт Манголіі Ухнаагійн Хурэлсух па выніках сустрэчы з Прэзідэнтам Беларусі Аляксандрам Лукашэнкам, спецыялісты дзвюх краін зоймуцца пошукам магчымасцей для сумяшчэння мангольскай шэрсці і кашаміру з беларускім ільном, што дасць магчымасць стварыць новыя тканіны і рабіць з іх новыя вырабы. Ён выказаў упэўненасць, што будзе атрымана добрай якасці прадукцыя.
