«Сталіца» згуляла ўнічыю ў кваліфікацыі Лігі чэмпіёнаў па міні-футболе
Фота з архіва 30 кастрычніка, Мінск . Спартсмены «Сталіцы» здабылі першы заліковы бал у асноўным раўндзе кваліфікацыі Лігі чэмпіёнаў УЕФА па міні-футболе,
У матчы другога тура групы 3 у харвацкім Омішы чэмпіёны Беларусі згулялі ўнічыю з гаспадаром турніру харвацкім «Алмісумам» — 4:4. Пасля першага тайма беларусы ўступалі 0:2, потым выйшлі наперад — 4:2, але ў самым канцы прапусцілі два мячы. У складзе «Сталіцы» хет-трык аформіў Янік Самплей, адзін мяч забіў Андрэй Забалонкаў. Напярэдадні мінчане прайгралі дзеючаму пераможцу ЛЧ партугальскаму «Спортынгу» з Лісабона з рэзультатам 1:5 (гол у беларусаў забіў Ігар Шчэрбіч). Харваты ў першым туры разышліся мірам з французскім «Этуалем» — 1:1. У суботу, 31 кастрычніка, падапечныя Аляксандра Чыбісава завершаць спаборніцтвы матчам з французамі, якія ў другім туры ўступілі «Спортынгу» — 1:5. Становішча каманд пасля двух гульнявых дзён: «Спортынг» — 6 ачкоў, «Алмісум» — 2, «Сталіца» — 1, «Этуаль» — 1.
У 1/8 фіналу выйдуць тры лепшыя каманды. «Сталіца» сёмы раз прымае ўдзел у галоўным кантынентальным клубным турніры па міні-футболе. Лепшым вынікам мінчан з’яўляецца 13-е месца ў падагульняючай класіфікацыі сезона-2017/2018.
Склады астатніх груп шляху А чэмпіёнскай Лігі:
1 — «Барселона» (Іспанія), «Семей» (Казахстан), «Лучанец» (Славакія), «Мінерва» (Швейцарыя);
2 — «Кайрат» (Алматы, Казахстан), «Андэрлехт» (Брусель, Бельгія), «Юнайтэд Галац» (Румынія), «Бейтар» (Латвія);
4 — «Бенфіка» (Лісабон, Партугалія), «Эль-Поса» (Іспанія), «Хіт» (Кіеў, Украіна), «Рурманд» (Нідэрланды).
З гэтых груп у плэй-оф выйдуць па тры лепшыя каманды. Сустрэчы 1/8 фіналу пройдуць 23 лістапада і 4 снежня. Чвэрцьфінальныя паядынкі адбудуцца 8 і 19 лютага, а «Фінал чатырох» — у пачатку мая 2027 года.
У вырашальным паядынку мінулага сезона «Спортынг» з лікам 2:0 абыграў іспанскую «Пальму».
